Vashington ko’chalaridan yuzlab ruhoniy yurish qildi

  • Amerika Ovozi

Din ahlining yurishi paytida, Vashington, 28-avgust, 2017-yil

AQShda 1960-yillarda fuqarolik huquqlari uchun kurashib jon bergan Martin Lyuter Kingning mashhur “Bir orzum bor” nutqini nishonlash uchun poytaxt Vashington ko’chalaridan yuzlab ruhoniy yurish qildi. Ular mamlakatda irqchilikka barham berishga chaqirdi.

Kingning to’ng’ich o’g’li Martin Lyuter King Uchinchi namoyishchilarga qo’shilib, fuqarolik huquqlari faollari 54 yil oldin yurgan yo’lni bosib o’tdi.

"Katolik, baptist, yahudiy, hindu, sikx va boshqalar birga yurdik. Oq uydagi hozirgi ma’muriyatdan irqchilikka qarshi, oq tanli millatchilarga qarshi faolroq harakat qilishni so’raymiz”, - deydi yahudiy ruhoniy Tamara Miller.

Yaqinda Virjiniya shtatining Sharlotsvil shahrida oq tanli millatchilar namoyishi paytida bir ayol nobud bo’ldi, mamlakat bo’ylab irqchilikka qarshi namoyishlar kuzatildi.

Ba’zilar Prezident Donald Trampni millatchi guruhlar harakatlarini zudlik bilan qoralamagani uchun tanqid qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG