AQSh qit’alararo ballistik raketani urib tushirishni mashq qildi

  • Amerika Ovozi

Mudofaa raketasi Kaliforniiya shtatidagi Vandenberg harbiy-havo bazasidan uchirilmoqda, 30-may, 2017-yil

Shimoliy Koreya ballistik raketasi sinovi ketidan Qo’shma Shtatlar qit’alararo ballistik raketaga qarshi mudofaa tizimini sinovdan o’tkazdi. Kaliforniya shtatidagi harbiy-havo bazasidan otilgan raketa 7500 kilometr masofadagi Marshall orollaridan chiqarilgan boshqa bir raketani Tinch okeani uzra urib tushirishga muvaffaq bo’ldi.

Amerika harbiylari bu bilan Shimoliy Koreyaning ehtimoliy hujumini mashq qilgan. Pxenyan yadro dasturi Qo’shma Shtatlarni xavotirga solmoqda.

Birlashgan Millatlar Tashkiloti va yirik davlatlar ogohlantirishlariga qaramay, kommunistik mamlakat yadroviy salohiyatini oshirishda davom etmoqda. Shimoliy Koreya AQShning ehtimoliy hujumlaridan shu tariqa o’zini mudofaa etishga majbur ekanini tushuntirmoqda.

AQShning BMTdagi elchisi Nikki Xeylining aytishicha, Pxenyanning eng yaqin ittifoqchisi Xitoy BMT Xavfsizlik Kengashida unga qarshi choralar xususida muzokara qilmoqda.

"Muammoni qachon hal etish ustida tortishyapmiz. Ya’ni nima bo’lganda chora ko’rish kerakligi haqida”, - deydi Amerika elchisi.

Unga ko’ra, Xitoy o’z kanallari orqali Shimoliy Koreyani yadroviy sinovlardan o’zini tiyishga undamoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG