Chernogoriya NATOning 29-a'zosi bo'ldi

  • Amerika Ovozi

Chernogoriyani NATOga qabul qilish marosimi, Davlat departamenti, Vashington, 6-iyun, 2017-yil

Bolqondagi yana bir mamlakat NATOga a’zo bo’ldi. Dushanba kuni AQSh Davlat departamentida Chernogoriyani alyansga 29-a’zo sifatida qabul qilish marosimi bo’lib o’tdi. Rossiya bunga qarshi.

Bir vaqtlar kommunistik Yugoslaviyaning bir qismi bo’lgan Chernogoriya 2006-yilda Serbiyadan referendum vositasida ajralib mustaqil bo’ldi.

Vashingtondagi tadbirda qatnashgan bu mamlakat Bosh vaziri Dushko Markovichning aytishicha, bu uning kichik mamlakati uchun buyuk kundir.

"Chernogoriya Birinchi jahon urushidan so’ng salkam 100 yilga siyosiy xaritadan yo’qolib ketgan edi. Mustaqillikka erishganidan 11 yil o’tib, Chernogoriya yana dunyo siyosatiga qaytdi. Bugungi kundan boshlab ortiq hech kim taqdirimizni biz uchun hal qilmaydi”, - dedi Markovich.

NATO Bosh kotibi Yens Stoltenberg ham marosimda qatnashdi.

“Chernogoriyaning NATOga qo’shilgani alyansga a’zo bo’lmoqchi bo’lgan boshqa mamlakatlarni ham islohotlarga, demokratik o’zgarishlarga, qonun ustuvorligini ta’minlashga, armiyasini isloh qilishga, umumiy mudofaamizga hissa qo’shishga undaydi”, - dedi Stoltenberg.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG