Breaking News

Ozarbayon-Armaniston harbiy to'qnashuvlari davom etmoqda


Ozarbayjonning Ganja shahri

Kavkazda Ozarbayjon va Armaniston o’rtasida harbiy to’qnashuvlar davom etarkan, Yerevan qo’shni respublikani Tog’li Qorabog’dagi Martakert shahrida kasalxonani nishonga olganlikda ayblamoqda.

Ozarbayjonda Ag’dara deb ataluvchi bu shahar 1990-yillar boshidagi urushda armanlar nazoratiga o’tgan, biroq Tog’li Qorabog’ning hozirgi ma’muriyati kabi xalqaro hamjamiyat tomonidan tan olinmaydi.

Shahar aholisiga ko’ra, Ozarbayjon kasalxonani artilleriya va havodan o’qqa tutgan.

Ozarbayjon o’z navbatida arman kuchlarini bir necha hududda tinch aholini o’qqa tutayotganlikda ayblarkan, Terter shahridagi qabristonning nishonga olinishi natijasida dafn marosimi paytida 3 odam o’lganini da’vo qilmoqda.

“Armanlar hujumini deb dafn marosimlarini tez o’tkazishga harakat qilyapmiz”, - deydi terterlik imom Sadig Jafarov.

Armanistonlik rasmiylarning bildirishicha, Fransiya, Ispaniya va yana bir necha davlatda Tog’li Qorabog’ mustaqilligini tan olish haqida tashviqot ketyapti. Ozarbayjon mintaqani o’z hududi deb bilarkan, Prezident Ilhom Aliyev undagi arman ma’muriyatini tan olgan har qanday davlat bilan diplomatik aloqani uzishi haqida ogohlantirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG