Breaking News

Ozarbayjon Tog'li Qorabog'da Lochin rayonini ham qaytarib oldi


Ozarbayjonlik askarlar Lochinda

Armaniston Ozarbayjon bilan Tog’li Qorabog’dagi uch rayonni topshirishga qaratilgan sulh kelishuvini o’z vaqtida bajardi. Kecha Ozarbayjon harbiylari Lochin tumaniga kirdi. 27-sentabrda boshlangan harbiy ixtilof 44 kun davom etib, 10-noyabrda Ozarbayjon g’alabasi bilan yakunlandi. Boku 30 yil Armaniston istilosida bo’lgan hududlarning ba’zilarini qaytarib olishga muvaffaq bo’ldi.

Bir necha kun oldin Kelbajar va Agdam rayonlari ham Ozarbayjon boshqaruviga qaytdi.

Sulh kelishuvi ijrosini nazorat qilish hamda Tog’li Qorabog’ni Armanistonga ulovchi Lochin korridorida xavfsizlikni ta’minlash uchun mintaqaga salkam 2000 rossiyalik askar kiritilgan. Ularning mandati besh yilga mo’ljallangan. Tinchlikparvar kuchlar, shuningdek, qochqinlarning qaytishiga ham yordam beradi.

Lochin rayonining sobiq arman rahbari Musheg Alverdyanning aytishicha, hududda yashagan arman aholi boshqa joylarga ko’chirilgan.

Bugun Rossiya va Turkiya Tog’li Qorabog’da qo’shma nazorat markazini tashkil etishga doir hujjat imzolagan. Anqara urushda Ozarbayjonni qo’llab-quvvatladi.

Dushanba kuni rossiyalik tinchlikparvar kuchlar Stepanakert yonida o’zlari uchun 40 yotoqli dala gospitalini tashkillashtirdi, ular nazorat qilayotgan hududlarni mina va boshqa turdagi portlovchi moddalardan tozalamoqda. Har kuni portlamay qolgan o’nlab o’q-dori topilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG