Breaking News

Armaniston Ozarbayjonga Kelbajar rayonini qaytardi


Arman aholi Kelbajarni tark etmoqda

Ozarbayjon va Armaniston imzolagan sulh bitimiga muvofiq Armaniston harbiylari Tog’li Qorabog’dagi Kelbajar rayonini tark etishi ketidan Ozarbayjon armiyasi hududga kirdi. Ikki hafta oldin Rossiya vositachiligida erishilgan kelishuvga ko’ra, yangi yilgacha yana bir necha rayon Ozarbayjonga qaytarilishi kerak.

Xalqaro hayot – 25-noyabr, 2020-yil
Iltimos, kuting...

No media source currently available

0:00 0:08:38 0:00

Kelbajar 15-noyabrda topshirilishi kerak edi, biroq Ozarbayjon Armanistonning jarayonni bir necha kunga kechiktirish iltimosini qondirdi.

Kuzatuvchilarga ko’ra, tog’li hududda ob-havoning yomonlashishi sabab harbiylar va oddiy aholining harakatlanishi qiyinlashgan.

27-sentabrdan noyabr boshigacha davom etgan harbiy to’qnashuvlarda Ozarbayjonning qo’li baland keldi. Rossiya vositachiligidagi uchta sulh ish bermadi. Ozarbayjon armiyasi Tog’li Qorabog’dagi ikkinchi yirik shahar Shushani qo’lga kiritishi ketidan Armaniston davomiy sulhga rozi bo’ldi.

Kelbajarni tark etgan arman aholisi uylarini yoqib ketgan. Harbiylari esa rayon bilan chegarada nazorat punktlari o’rnatgan.

Ozarbayjonlik mutaxassislar asosiy kuchlar kirishidan oldin hududni minalardan tozalashga muvaffaq bo’ldi.

Arman harbiylari va aholisi o’tgan hafta Agdam rayonidan chiqqan. Kelishuvga ko’ra Lochin rayoni ham Ozarbayjonga qaytariladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG