Yaponiya rasmiylarining ma’lum qilishicha, seshanba kuni Tokio g’arbidagi Sagamihara nomli joyda nogironlar markazida ro'y bergan hujum oqibatida 15 odam nobud bo’lgan. O’nlab odamlar tan jarohatlari olgan.
Politsiya nogironlarni pichoqlagan shaxsni hibsga oldi. 26 yoshli erkak ilgari markazda ishlagani aytilmoqda. Hujumdan so’ng u politsiyaga taslim bo’lgan.
Voqea ortidagi sabablar hozircha noma’lum. Yaponiyaning “Asahi Shimbun” gazetasiga ko’ra, hujumchi “dunyoni barcha nogironlardan xalos etmoqchiman” deb aytgan.
