Breaking News

Amerikadagi o'zbeklar uchun qiyin damlar; umidni boy bermang, deydi Norxo'ja Eshon


Norxo'ja Eshon, "Vatandosh" O'zbek-Amerika Federatsiyasi ortidan turgan faollardan biri

Norxo'ja Eshon Nyu-Yorkda vatandoshlarga maslahat berib tanilgan. Oramizda yurganlar jiddiy jinoyatlarda gumon qilinishi, tabiiyki, odamlarni xavotirga soladi, hamma hayron, deydi otaxon, lekin tergov davom etarkan, xulosa qilishga shoshmang.

Nyu-Yorkda yashagan 24 yoshli Abdurasul Jo'raboyev, 19 yoshli Ahror Saidahmetov va 30 yoshli Abror Habibov "Islomiy davlat" terror tashkilotiga kirish, buning uddasidan chiqa olmagan taqdirda, AQSh prezidentini o'ldirish, bomba xurujlari qilish, politsiya va rasmiylarni o'ldirishni ko'zlaganlikda ayblanib hibsda. Ular istiqomat qilgan Bruklin tumani minglab o'zbeklarga yangi vatan. AQShga kelgan vatandoshlarning ko'pi avvalo shu yerga boradi.

Amerikadagi o'zbeklar uchun og'ir damlar biroq umidni boy bermang, deydi Norxo'ja Eshon
Iltimos, kuting...

No media source currently available

0:00 0:07:14 0:00
Kichik O'zbekistondagi katta muammolar - "Vatandosh" rahbari Farhod Sulton bilan suhbat - Navbahor Imamova
Iltimos, kuting...

No media source currently available

0:00 0:15:29 0:00

Atlantika okeani bo'yidagi Brayton Bich mahallasida bir necha yildan beri yashab, tirikchilik qilayotgan otaxon Norxo'ja Eshon "Vatandosh" O'zbek-Amerika federatsiyasida faol . Yoshlarga maslahat berib, yurtdoshlarga madad ko'rsatib tanilgan inson. Oramizda yurganlar jiddiy jinoyatlarda gumon qilinishi, tabiiyki, odamlarni xavotirga soladi, hamma hayron, deydi u "Amerika Ovozi" bilan suhbatda, lekin tergov davom etarkan, xulosa qilishga shoshmang.

Suhbatdosh fikricha, eng katta muammolardan biri - yoshlarning ingliz tilini yaxshi bilmasligi. Aynan shu sabab ham ular adashishi, jamiyatdan ajralib qolishi mumkin. Masjidlarda ma'ruzalar odatda ingliz yilida. Turk va Janubiy Osiyo tillarida faoliyat yuritadigan diniy maskanlar ham bor. "Vatandosh" tashkiloti mahalliy hokimiyat bilan hamkorlikda shu masala bilan shug'ullanib, yoshlar to'g'ri ilm olishi uchun imkoniyatlar yaratishi lozim, deydi Norxo'ja Eshon.

Ota-ona farzandlariga ko'proq e'tibor berishi, ular necha yoshda bo'lishidan qat'i nazar, o'zbek tadbirlariga olib borib jamiyatga qo'shishi kerak, deydi otaxon. Ayniqsa, yangi kelganlarga qiyin.

Norxo'ja Eshon deydiki, o'zbeklar ko'paygani sari ona tildagi axborot vositalariga talab ham oshib bormoqda. Muhojir doiralar, masalan, ruslar o'z mahalliy teledasturlarini yuritadi. Bu vositalar jamoa a'zolarini bir-biriga yaqinlashtiradi. Ular - muhim masalalar muhokama qilinadigan sahna. Bu borada anchadan beri harakat bor, biroq yetmayapti, deydi suhbatdosh, balki muntazam teleprogrammani yo'lga qo'yish kerakdir.

Dunyoning qayerida bo'lmasin, tarbiya tobora mushkul vazifa. Farzandi kim bilan do'stlashayapti, qayerda yuribdi, nimaga qiziqayapti - ota-onaga bularni nazorat qilish oson emas. Muhojirlar tinim bilmaydigan guruh: tirikchilik bilan ovora, vatandagi yaqinlarining dardida.

Yangiliklarni eshitib, Amerikadagi o'zbeklar xalqini sharmanda qilmoqda deb uh tortmang, deydi Norxo'ja Eshon. Avvalo, hali bu yigitlarning aybi isbotlanmagan. Lekin jiddiy ayblovlar bilan yuzlashmoqda. Masala hammani tashvishga soladi.

Biroq shuni ham unutmaylikki, deydi otaxon, bu bepoyon yurt bo'ylab nafaqat o'z elatini balki butun insoniyatni faxrga to'ldirib yurgan o'zbeklar juda ko'p va ularning safi kengayib bormoqda. Sport olamida nom qozonayotgan o'smirlardan tortib, iqtisod va siyosatda o'z o'rnini topayotgan vatandoshlargacha - ular kimligini biladi, es-hushli, elning rahmatini olib yuribdi.

Jahon ahli hozir ekstremizm muammosi bilan yuzlashmoqda, deya eslatadi Norxo'ja Eshon, shu jumladan Amerika, O'zbekiston va dunyoning turli chekkalarida yashayotgan o'zbeklar. Har bir odam qo'ldan kelganicha bu kurashga o'z hissasini qo'shishi kerak. Tinchlik-farovonlik bo'lsin, deya duo qiladi suhbatdosh.

"Vatandosh" rahbari Farhod Sulton Bruklin hokimi Erik Adam (chapda) va boshqa rasmiy va faollar bilan, 26-fevral, 2015
"Vatandosh" rahbari Farhod Sulton Bruklin hokimi Erik Adam (chapda) va boshqa rasmiy va faollar bilan, 26-fevral, 2015

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy and The National Interest. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG