Breaking News
Din

Norvegiya politsiyasi Oslo tevaragidagi masjidga hujumni tergov qilmoqda


Al-Nur islomiy markaziga hujumdan so'ng

10-avgust kuni Norvegiya poytaxti Oslo tevaragidagi Berum kommunasida joylashgan al-Nur masjidiga qurollangan bir yigit kirib, tartibsiz o't ochgan.

Guvohlarga ko'ra, xuruj paytida masjidda uch odam bo'lgan. Shu payt ulardan biri, 75 yashar musulmon Qur'on kitobini o'qiyotgan bo'lgan. O'q ovozlarini eshitgach, u yigitga tashlanib, politsiya kelgunga qadar uni ushlab turgan. Qariyaning o'zi yengil jarohat olgani aytiladi.

Xurujga qo'l urgan yigitning yoshi 20 larda ekani ma'lum, asli islandiyalik, masjid yaqinida istiqomat qiladi.

Politsiyachilar uning uyiga borganida yosh juvonning jasadi topilgan. Ikkisining qarindosh ekani xabar qilinmoqda. Politsiya voqeani terror xurujiga harakat sifatida tergov qilmoqda.

Norvegiya Bosh vazirasi Erna Solberg 11-avgust kuni Oslodagi bir mehmonxonada mahalliy musulmon jamoa sodir bo'lgan voqea bo'yicha uyushtirgan tadbirda qatnashdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG