Prezident Barak Obama mamlakat kezib, saylovchilarni 2 noyabrda demokratlar uchun ovoz berishga undamoqda.
Kongressmi yoki mahalliy hokimiyat, Demokratik partiya har sohada kuchli dasturga ega, deydi Obama.
"Respublikachilarni tanlasangiz, iqtisodiy islohotlar to’xtaydi hamda sog’liqni saqlash tizimi hozirgidek muammoli ahvolda qolaveradi", - deydi u.
“Oq Uy va ayni damda demokratlar hukmron Kongress moliyaviy inqiroz asoratlariga qarshi choralar ko’rdi va yaqin kelajakda buning ta’sirini ko’rasiz", - deydi Obama saylovchilarga qarata.
Respublikachilar esa prezident va uning partiyani va’dabozlik va liberallikda ayblab, soliqni pasaytirishga va amaldagi siyosatni tubdan o’zgartirishga so’z bermoqda.
Ommaviy so’rovlarda saylovchilarning ko’pi respublikachilar tomonda ekanini aytgan.
