Breaking News

Kichik bizneslar pandemiya paytida texnologiyalarga murojaat etmoqda


Koronavirus pandemiyasi dunyo bo’ylab ko’plab kichik bizneslarni yangicha ishashga, texnologiyalardan ko’proq foydalanishga majbur qildi. Biznesni yo’qotmaslik uchun kimdir xodimlari sonini qisqartirdi, ammo Shimoliy Dakotadagi bir avtosalon egasi boshqa yo’ldan borishga qaror qildi.

“Pandemiya boshlanganida yetti kishidan iborat jamoamiz bor edi. Oltitamiz salonda va Ronda”, - deydi Renard Bergstrom.

Ronda Loz virtual assistent. U uydan ishlaydi. Mijozlar bilan aloqa, avtosalonning kundalik ishlari uning zimmasida.

“COVID-19 boshlanganidayoq ishning bir qismini uydan bajarish mumkinligini ancha erta tushunganmiz. Ronda ko’proq hujjatlarni tayyorlash, avtosalon uchun zarur narsalarni buyurtirish, masalan, tozalovchi vositalarni – shunga o’xshash ishlar bilan shug’ullanish vazifasini oldi”, - deydi tadbirkor.

Bergstromning aytishicha, Ronda yordamida ayrim loyihalar kengaydi va yana bir virtual yordamchiga ehtiyoj tug’ildi.

“Ko’p odamlar ishidan ayrilganini, bo’shatilganini ko’ryapman. Nazarimda, ko’plar virtual uslubga o’ta boshlaydi. Ko’p ishlar, ayniqsa biznesda, endi shunday qilinadi”, - deydi Ronda Loz.

“Bergstrom avtomobillari” avtosaloniga Renardning bobosi salkam 100 yil oldin asos solgan. Uning nazarida, biznes yuritishdagi yangicha yondashuv kompaniyaga hali uzoq vaqt faoliyat yuritishga yordam beradi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG