Breaking News

Peru prezidenti impichment ehtimoli bilan yuzlashmoqda


Peru Prezidenti Martin Viskarra

Peruda muxolifat nazoratidagi parlament Prezident Martin Viskarraga qarshi impichment jarayonini boshlashga ovoz berdi. U axloqiy qobiliyatsizlikda ayblanmoqda.

Xalqaro hayot – 15-sentabr, 2020-yil
Iltimos, kuting...

No media source currently available

0:00 0:09:56 0:00

Qonunchilar davlat rahbarini bir qo’shiqchini ma’ruzalar qilish uchun yollashga yordam berganlikda ayblamoqda. Madaniyat vazirligi Richard Sisneros ismli xonandaga xizmati uchun 50 ming dollar to’lagan. Prezident Viskarra yordamchilari bilan muloqot paytida uning bu ishga aralashganini sir tutishni so’ragan, biroq kimdir muloqotni yozib olib, audioni jamoatchilikka tarqatgan.

2018-yilda sobiq prezident Pedro Kuchinski korrupsiyada ayblanib, iste’foga chiqqanidan so’ng uning birinchi o’rinbosari Viskarra prezidentlikni qabul qildi.

Muxolifatning Viskarraga qarshiligiga qaramay, prezidentning xalq orasida obro’si baland. So’nggi ommaviy so’rov natijalariga ko’ra, peruliklarning 60 foizi uni qo’llab-quvvatlamoqda, parlament ishini esa atigi 32 foizi ma’qullaydi.

Viskarra hokimiyatga kelishi bilan korrupsiyaga qarshi kurashga bel bog’ladi. Xususan, u xususiy shaxslar va shirkatlarga siyosiy partiyalarni moliyalashni, deputatlarga esa qayta saylanishni taqiqlovchi konstitutsion referendum o’tkazdi.

Vazirlar mahkamasi Konstitutsion tribunalga murojaat qilib, impichment jarayoniga qarshi ekanini bildirdi.

Korrupsiyaga qarshi qonun loyihasini imzolagan Viskarraning aytishicha, uning raqiblari pandemiya paytida faoliyatidan chalg’itishga harakat qilmoqda.

Prezident yordamchilaridan birini xiyonatda ayblab, xalqqa televideniye orqali qilgan murojaatida ushbu siyosiy mashmasha uchun uzr so’radi.

Peru adliya tizimining hukumatdan mustaqilligi tufayli hayotdagi deyarli barcha sobiq davlat rahbarlari korrupsiyaga aloqadorlikda ayblanib lavozimidan ayrilgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG