Breaking News

Peruda muvaqqat rahbar ham iste'foga chiqdi


Peruda prezident lavozimini vaqtincha bajarib turgan Manuel Merino iste’foga chiqdi. Kongress yangi nomzod bo’yicha kelishgani yo’q hali.

Xalqaro hayot – 16-noyabr, 2020-yil
Iltimos, kuting...

No media source currently available

0:00 0:08:59 0:00

O’tgan hafta davlatni ikki yil boshqargan rahbar Martin Viskarra impichment natijasida hokimiyatdan olinishi ketidan Merino bu lavozimga vaqtincha tayinlandi. Qonunchilar Viskarrani korrupsiyada ayblab, ma’anaviy jihatdan prezidentlikka noloyiq deb topdi.

Mamlakat rahbarsiz ekan, Peru siyosiy inqirozga yuz tutmoqda. Aholi bundan norozi. Viskarraning iste’fosi g’azab bilan qabul qilindi. Impichmentga bosh bo’lgan Kongress raisi Merinoning prezidentlikka tayinlanishi ketidan norozilik namoyishlari kuchayib, politsiya bilan to’qnashuvda ikki odam o’ldi, mahalliy hukumatlar unga bo’ysunishdan bosh tortdi. Natijada qonunchular Merinoning o’zini ham ketishga da’vat etdi.

Aholi Kongressni hokimiyatni qo’lga olganlikda ayblamoqda. Aytish joiz, deputatlarning yarmi turli jinoyatlarga aloqadorlikda tergov ostida. Viskarra ularni daxlsizlikdan ayirmoqchi edi. Xalq bu tashabbusni qo’llab-quvvatlagan, biroq qonunchilar qarshilik ko’rsatdi.

Deputatlar aprelda bo’ladigan saylovgacha muvaqqat rahbarni tayinlamoqchi, biroq hozircha kelisha olmayapti. So’lchi inson huquqlari faoli Rosio Silva-Santisteban nomzodlardan biri. Agar Kongress yana kelisha olmasa, Oliy Sud tashabbusni o’z qo’liga olishga majbur bo’ladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG