Breaking News

Donald Tramp respublikachilar poygasida hamon oldinda


Donald Tramp hanuz so'rovlarda oldinda
Iltimos, kuting...

No media source currently available

0:00 0:02:28 0:00

So'nggi so'rovlarga ko'ra, milliarder Donald Tramp AQShda prezidentlik uchun nomzod respublikachilar orasida yetakchilik qilishda davom etmoqda. Ammo ikkinchi teledebat ortidan uning ko'rsatkichlari ancha pasaygan.

Donald Tramp partiyaning hanuz yetakchi nomzodi.

Ammo ikkinchi bahsda uning raqiblari, xususan, Floridaning sobiq gubernatori Jeb Bush keskin hujumga o'tdi.

"U Floridada qimorxona ochmoqchi edi", - dedi Bush.

"Yo'q, unday emas", - rad qildi Tramp.

“Bunga erisholmadi, chunki men oldindan qimorbozlikka qarshi bo’lganman. Hech kim fikrimni o’zgartira olmaydi”, - dedi Bush.

“Xohlaganimda, bunga erishgan bo’lardim”, - deya o’z so’zida turib oldi Tramp.

“Ozodligingiz uchun kurashaman. Hech kim mendek kurasha olmaydi. Chunki men yaxshi kurashchiman. Ko’pincha g’olib chiqaman. Biz g’olib chiqamiz”, - deydi Tramp.

Sobiq tadbirkor Karli Fiorinaning reytingi ham oxirgi bahs ortidan ancha oshdi. Viskonsin gubernatori Skot Uolkerning esa omadi chopmadi. U poygadan chiqib, boshqalarni ham shunday qilishga undadi.

“Saylovchilar kamroq sonli nomzodlarga e’tirbor qaratib, yaxshiroq odamga ovoz berish imkoniyatiga ega bo’lsin”, - deydi u.

So’rovlarda yaxshi ketayotgan yana bir nomzod neyroxirurg Ben Karson.

“Odamlar gladiator janglaridek qiziq tomoshalarni yoqtiradi. Ammo bizga bu narsa yordam bermaydi”, - deydi u.

Respublikachilar poygasida siyosatchi bo’lmaganlar kuchaymoqda, deydi tahlilchi Norm Ornsteyn.

“Respublikachilar partiyasida juda an’anaviy yetakchi guruh va chetdan kelgan isyonchilar guruhi o’rtasida partiya ruhi uchun kurash ketyapti. Hech qachon davlat idorasiga saylanmagan, chetdan kelgan odamlar hozir yetakchi kuchga aylangan”, - deydi tahlilchi.

Tramp tashqi siyosat mavzusida aniq takliflar berishga qiynalmoqda. Ammo bu tarafdorlarini bezovta qilgani yo’q.

“Trampni qo’llab-quvvatlayotganlar o’zining malakasi, siyosatni bilishi haqida maqtanadigan siyosatchilardan hafsalasi pir bo’lgan odamlar. Ular asosiy muammoni shunda ko’radi. Yetakchilarni odamlardan uzoqlashganlikda ayblaydi”, - deydi Ornsteyn.

So’nggi so’rovlar natijasiga ko’ra, Trampdan keyingi o’rin uchun Karson va Fiorina kurashmoqda. Ayovada o’tadigan birinchi tanlovgacha hali to’rt oy vaqt bor.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG