Breaking News

Rossiya armiyasi Lugansk viloyatini to'liq nazoratiga oldi


Luganskning Lisichansk shahri viloyatda Ukraina nazoratidagi so'nggi nuqta edi

Rossiya armiyasi Ukrainadan ajralib, o’zini mustaqil davlat deb e’lon qilgan sharqdagi Lugansk viloyati yakshanba kuni ukrain harbiylaridan to’liq tozalanganini ma’lum qildi. Viloyatning ukrain askarlari nazoratidagi so’nggi nuqtasi – Lisichansk shahri urushning 130-kunida ruslar qo’liga o’tdi.

Xalqaro hayot - 4-iyul, 2022-yil
Iltimos, kuting...

No media source currently available

0:00 0:08:25 0:00

Bu haqda Rossiya Mudofaa vaziri Sergey Shoygu Prezident Vladimir Putinga hisobot berdi.

"Lugansk viloyatidagi janglarda faol qatnashgan va g’alabaga erishgan qo’shinlar dam olib, jangovar salohiyatini kuchaytirishi kerak”, - dedi Putin.

Janglar endi qo’shni Donetsk viloyatining Seversk shahriga o’tdi. Oldinda hali Baxmut, Slavyansk va Kramatorsk shaharlari uchun olishuvlar kutilmoqda.

Lisichanskning qo’ldan chiqarilganini Ukraina Prezidenti Vladimir Zelenskiy ham tasdiqladi. Unga ko’ra, Ukraina armiyasi shahardan chekingan, Rossiya esa shahar qurshovda bo’lganini, ikki mingdan ziyod ukrainalik harbiy halok bo’lganini, o’nlab askar taslim bo’lganini da’vo qilmoqda.

Lisichansk aholisining bir qismi Ukrainaning boshqa hududlariga qochgan, yana ba’zilari Rossiya qo’shinlari kirganidan xursandchiligini yashirmayapti.

Zelenskiy G’arb va’da qilgan uzoq masofali artilleriya va raketa tizimlari olinishi bilan qarshi hujumga o’tilishini ma’lum qildi. Yakshanba kuni Kiyevga tashrif buyurgan Avstraliya Bosh vaziri Entoni Albanez Zelenskiyga qo’shimcha harbiy yordam va’da qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG