Breaking News

Saylov, korrupsiya va bugungi haqiqat - Salohiddin Usmonov bilan suhbat


Islom Karimovning prezidentlikda qolishga haqqi yo'q, bu saylov - shou, deydi Salohiddin Usmonov, muxolifatchi, virtual-muqobil nomzodlardan biri

Islom Karimovning prezidentlikda qolishga haqqi yo'q, bu saylov - shou, deydi Salohiddin Usmonov, muxolifatchi, virtual-muqobil nomzodlardan biri, "Amerika Ovozi" bilan suhbatda.

45 yoshli Salohiddin Usmonov Farg'ona viloyatidan. Oliy ma'lumotni Kiyev va Moskvada olgan. Gidromelioratsiya, ya'ni suv va yer sohasi egasi, shuningdek, moliya va huquq bo'yicha mutaxassis. Ayni damda Rossiyada yashaydi va o'zbek muxolifatchilari asos solgan tashkilot - O'zbekistonda korrupsiyaga qarshi kurash jamg'armasining ijrochi direktori.

Usmonov mamlakatda prezident saylovlari kampaniyasiga parallel ravishda xorijda olib borilgan virtual tanlovda qatnashdi. 12 muqobil nomzoddan biri bo'ldi.

Xakerlar hujumi sabab Virtual saylov komissiyasining sayti ishdan to'xtadi, ammo tashkilotchilarning aytishicha, ko'zlangan maqsadga erishildi: erkinlik bo'lsa, o'zbeklar demokratik jarayonlarni eplay oladi; amaldagi rahbar va uning siyosatiga muqobil shaxs va g'oyalar bor. Virtual saylovda bu ozmi-ko'pmi o'z isbotini topdi, deydi faollar. Natijalar bilan mana bu yerda tanishish mumkin: http://virtualuzbekistan.org/ Endilikda muxolifat yangi virtual koalitsiya tuzmoqchi.

Islom Karimovning prezidentlikda qolishga haqqi yo'q, bu saylov - shou, deydi Salohiddin Usmonov. Bosh qomus bir kishi faqat ikki muddat prezident bo'lishiga ruxsat beradi.

Konstitutsion o'zgartirishlar orqali muddatni uzaytirib, keyin yana qisqartirib va har safar bu umuman yangi bir muddat va shu bois ham Karimov qayta saylanishga haqli deyish, muxolifat nazarida, ko'zbo'yamachilik, xalqning ustidan kulish va qonunni oyoqosti qilishdir.

Salohiddin Usmonov fikricha korrupsiyaga qarshi real va konkret kurash olib borilsa, mamlakatdagi vaziyatni tubdan yaxshilash mumkin. Hozir buning uchun siyosiy iroda yetishmaydi, deydi u, chunki yulg'ichlikka nisbatan qonuniy choralar ko'rish O'zbekistonda hukmron guruh manfaatlariga ziddir.

O'zbekistonda jinoiy tizimlarga qarshi ketayotgan kampaniya elitadagi ichki nizolarga borib taqaladi, bu - korrupsiyaning ildiziga bolta urush emas, deydi Usmonov "Amerika Ovozi" bilan suhbatda.

Xorijda o’tirgan, yurtga kela olmaydigan odamlarning nomzod bo’lishidan nima foyda? Virtual saylov va nomzodlarga qarab ensasi qotayotgan yurtdoshlaringizga nima deysiz?

Karimov prezidentlikka qayta saylanib, faoliyatini davom ettirishiga shubha yo’q. Siz va safdoshlaringiz nima qila oladi bu reallik oldida?

Xalqaro hamjamiyat O'zbekistondagi haqiqatni bilsin deysiz, lekin tashqi dunyo nima qilib berishi mumkin?

Marhamat, muloqotimizni tinglang:

Salohiddin Usmonov - O'zbekiston - Prezident Saylovlari - Navbahor Imamova
Iltimos, kuting...

No media source currently available

0:00 0:09:41 0:00
  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG