Breaking News

Saudiya Arabistoni qirolining valiahdi Vashingtonga tashrif buyurdi


Tramp Muhammad bin Salmon bilan 2017-yil 14-martida Vashingtonda ko'rishgan

Saudiya Arabistoni qirolining valiahdi Muhammad bin Salmon Vashingtonga tashrif buyurdi. Shahzoda qirollikni tubdan o’zgartirishga intilmoqda, katta islohotlarga bosh-qosh.

Saudiya Arabistoni Fors ko’rfazida Eron bilan raqobatlashar ekan, Tramp ma’muriyati qirollik tarafini olgan. Shahzoda Salmon Eron rahbarini Gitlerga qiyosladi. Uning aytishicha, agar Eron yadro qurolini qo’lga kiritsa, Saudiya Arabistoni ham shunday qilishga majbur bo’ladi.

Tahlilchi Fahid Nazirning aytishicha, shahzoda bu bilan Trampga bosim qo’ymoqda.

“Agar Eron bilan imzolangan xalqaro yadro bitimi islomiy respublika yadroviy salohiyatini cheklashga xizmat qilsa, qirollik uni qo’llab-quvvatlashini aytgan”, - deydi “Arab yangiliklari” sharhlovchisi.

Muhammad bin Salmon islohotlari tufayli Saudiya Arabistonida ayollar ilk bor avtomobil haydash va futbol o’yinlarini tomosha qilish uchun stadionga tushish huquqlarini qo’lga kiritdi.

Valiahd konservativ mamlakatni zamonaviylashtirmoqchi, iqtisodiyotini jonlantirmoqchi.

Noyabr oyida Saudiya Arabistonida 200 dan ziyod rasmiy, tadbirkor va shahzodalar korrupsiyada ayblanib, hibsga olindi. Jon saqlash maqsadida ular byudjetga 100 milliard dollar ajratishga rozi bo’lishdi. Ba’zi kuzatuvchilar nazarida, Salmon bu bilan raqiblaridan qutulmoqchi bo’ldi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG