Breaking News

Janubiy va Shimoliy Koreya rahbarlari uchrashuvi tafsilotlari ma'lum bo'ldi


Muzokaralar Panmunjom qishlog'idagi mana shu binoda bo'lib o'tadi

Janubiy Koreya Prezidenti Mun Jey In Shimoliy Koreya rahbari Kim Chen Un bilan ikki mamlakatni bir-biridan ajratuvchi zonada ko’rishishga hozirlanmoqda. Mun ma’muriyatining rahbari uchrashuv haqida ma’lumot berdi:

“Ikki rahbar Tinchlik uyida uchrashadi. Birinchi qavatida janob Kim mehmonlar kitobida yozuv qoldiradi, suratga tushishadi. Asosiy muzokaralardan oldin yuzma-yuz gaplashishadi, so’ng ikkinchi qavatga ko’tarilib, 10 yarimda muloqot boshlanadi”, - deydi Im Chen Suk.

Tomonlar Shimoliy Koreya yadro dasturi xususida gaplashadi. Shimoliy Koreya yadro qurollari va raketa sinovlarini to’xtatishi mumkinligiga ishora qilgan.

Muzokaralardan so’ng ikki rahbar o’z mamlakatlaridan keltirilgan tuproq va suv bilan daraxt ko’chatini ekishadi.

Shundan keyin Mun va Kim muzokaralarni davom ettirib, kechki ziyofatdan so’ng poytaxtlariga qaytishadi.

Kim Chen Un may oxiri-iyun boshida AQSh Prezidenti Donald Tramp bilan ham uchrashishi mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG