Yevropaning ko’p mamlakatlarida koronavirus bilan bog’liq karantin yumshatilar ekan, Ispaniyada futbol klublari maydondagi mashg’ulotlarni jonlantirmoqda.
La Liga chempionatni 12-iyun kuni davom ettirishga umid qilmoqda. Barselona o’yinchilari o’tgan juma kuni mashg’ulotlarni boshlab yuborgan. Yakshanba kungi dam olishdan so’ng Messi va Suares jamoasi maydonga qaytgan. Klub ayni damda 1-o’rinda.
Barselonadan ikki ochko ortda ketayotgan Madridning Real jamoasi ham 3 oydan ortiq davom etgan tanaffusdan so’ng mashg’ulotlarga qaytgan.
Virus tarqalishining oldini olish maqsadida o’yinchilar ikki smenada individual tartibda, ma’lum masofani saqlagan holda shug’ullanmoqda.
O’tgan hafta Ispaniyaning oliy va birinchi ligalarida qatnashayotgan klublar o’yinchilari virusga testdan o’tgan.
Facebook Forum