Breaking News

Suriya Isroil hujumini tan olmoqda


Ba’zi razvedka xabarlariga ko’ra, Isroil aviatsiyasi bugun saharda Suriya poytaxti Damashq yaqinidagi qurol omboriga hujum qilib, Eronda tayyorlangan va Livandagi Hizbulloh jangari guruhiga atalgan raketalarni (Fatoh-110) yo’q qilgan. Bu jumadan beri ikkinchi shunday hujum.

Suriya davlat matbuoti esa Isroil harbiy tadqiqot markazini nishonga olgani haqida xabar bermoqda. Isroil inshootga yanvar oyida ham hujum qilgan edi, deyiladi Suriya matbuotida.

Unda aytilishicha, Isroil o’z hujumlari bilan terrorchilar ruhini ko’tarmoqchi. Suriya hukumati unga qarshi kurashayotgan isyonchilarni terrorchi deb ataydi.

Isroil Suriyaga qarshi havo hujumlari haqidagi xabarlarni izohsiz qoldirgan.
AQSh prezidenti Barak Obamaning aytishicha, Isroil o’zini Hizbulloh kabi guruhlardan himoya qilishga haqli.

Ma’lumki, Hizbulloh shia guruhi bo’lib, Eron va Suriya bilan hamkorlik qiladi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG