Breaking News

AQSh: Suriyada isyonchilar qo'mondoni o'limi sulhga halaqit berishi mumkin


Suriyadagi isyonchi kuchlar
Suriyadagi isyonchi kuchlar

Qo'shma Shtatlar nazarida Suriyada isyonchilar qo'mondonining o'limi sulh va siyosiy murosaga erishishni qiyinlashtiradi.

Jaysh al-Islom nomli isyonchi guruh sardori Zahran Allush juma kuni Suriya armiyasining havo hujumida jon bergan.

Jaysh al-Islom guruhi mamlakatda siyosiy murosaga erishishga doir muloqotda qatnashgan va "Islomiy davlat" to'dasiga qarshi kurashgan.

Davlat departamenti bu voqea sulh yo'lida shu paytgacha qilingan ishlarni yo'qqa chiqarmaydi degan umidda.

BMTning Suriya bo'yicha bosh muzokarachisi Staffan de Mistura 25-yanvar kuni xalqaro hamjamiyatni bir davraga yig'ishga harakat qilmoqda.

Qo'shma Shtatlar bu sa'y-harakatlarni qo'llaydi, deydi Amerika rasmiylari.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG