Breaking News

AQSh davlat kotibi yetti kun ichida Afrikaning besh mamlakatida bo’ladi


Reks Tillerson

AQSh Davlat kotibi Reks Tillerson kelasi yetti kun ichida Afrikaning besh mamlakatida bo’ladi – Chad, Jibuti, Keniya, Efiopiya va Nigeriya.

Uning aytishicha, Afrika qit’asi global xavfsizlik uchun muhimdir.

“Afrika kelajagimizning muhim bir bo’lagi ekanini tan olsak, dunyo qay tomon ketayotganini tushunish oson bo’ladi”, - dedi Tillerson.

Davlat kotibi Afrikaga qadam qo’ygan yuqori martabali Amerika rasmiysi bo’ladi. Unga ko’ra, AQSh uchun xavfsizlik ustuvor masala.

“Terrorizm chegara bilmaydi. Boko Haram Nigeriyada, al-Qoida Mag’ribda, “Islomiy davlat” to’dasi G’arbiy Afrikada faol, boshqa terror guruhlari ham qit’aga ancha moslashib olgan. Ularga qarshi kurashish uchun regional hamkorlik juda muhimdir”, - dedi Tillerson.

AQShning Afrikada 6000 askari bor. Amerikalik qonunchilarga ko’ra, Afrikada xavfsizlikka tahdidlar AQShga ham ta’sir qilishi mumkin.

“Afrikada terror guruhlarining kuchayishiga olib keluvchi omillar mavjud – nazoratsiz yirik hududlar, zaif davlat idoralari, iqtisodiy nochorlik, malakasiz xavfsizlik kuchlari. “Islomiy davlat” Iroq va Suriyadan siqib chiqarilgan sari Afrikaga ko’chish xavfi bor”, - deydi Kongress Vakillar palatasi Qurolli kuchlari qo’mitasining raisi Mak Tornberri.

Davlat kotibi Tillersonning aytishicha, Qo’shma Shtatlar Afrikaning bir necha mamlakatiga jami 533 million dollarga teng yordam berishga qaror qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG