Breaking News

Tramp Katta Yigirmalik sammitida: Ittifoqchilarimiz haqida qayg'uramiz


AQSh Prezidenti Donald Tramp 27-iyun kuni Katta yigirmalik sammitida ishtirok etish uchun Yaponiyaning Osaka shahriga yetib bordi

Yaponiyada Katta Yigirmalik sammitida qatnashayotgan Prezident Donald Tramp AQSh ittifoqchilari haqida qayg'uradi, ularni himoya qiladi, deya ishontirishga urindi. Shu bilan birga, ittifoqchilar bilan savdo-sotiqda AQSh kamomadini ham qayd etib o'tdi.

Trampning ilk norasmiy uchrashuvi kechki taom ustida Avstraliya Bosh vaziri Skot Morrison bilan kechdi.

“Avstraliya AQShning ishonchli ittifoqchisi bo’lib kelgan. Biz ittifoqchilarimiz haqida qayg’uramiz. Ayrim ittifoqchilar bilan savdo munosabatlarida tanglik yuzaga kelgan. Shunday bo’lsa ham, ularga harbiy ko’makni uzganimiz yo’q”, - dedi Tramp.

Sammit doirasida AQSh rahbari Germaniya kansleri Angela Merkel, Rossiya Prezidenti Vladimir Putin va Xitoy rahbari Si Zinpin bilan uchrashadi.

AQSh-Avstraliya rahbarlari uchrashuvi
AQSh-Avstraliya rahbarlari uchrashuvi

AQSh-Xitoy muzokaralarida asosiy mavzu savdo munosabatlaridagi tanglik va har ikki tomondan tariflarning oshirilishi bilan bog’liq bo’lishi kutilmoqda.

AQSh rasmiylariga ko’ra, Tramp-Putin uchrashuvida kun tartibiga qo’yiladigan masalalar noma’lum. Biroq rahbarlar katta ehtimol bilan Ukraina, Yaqin Sharq va Venesuelaga doir masalalarni muhokama qilishi aytilmoqda.

Shuningdek, sammitda AQSh rahbaridan Tehronga bosimni davom ettirish, Eron neft savdosini cheklash orqali yadroviy dastur bo’yicha muzokaralarni yangilashga doir chaqiriqlar kutilmoqda.

Sammit ortidan Tramp Seulga uchib, Janubiy Koreya Prezidenti Mun Jey In bilan uchrashadi. Tomonlar Shimoliy Koreya bilan yuzaga kelgan tanglikni yumshatish masalasini muhokama qiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG