Trampning o’g’li qonunchilar tomonidan so’roqqa tutildi

  • Amerika Ovozi

Kenja Donald Tramp

AQSh Kongressi tayinlagan tergovchilar Prezident Trampning o’g’li kenja Donald Trampni yopiq eshiklar ortida Rossiyaning o’tgan yili Amerikadagi prezident saylovlariga aralashgani bilan bog’liq masala xususida bir necha soat savolga tutdi. Xususan, undan Kremlga aloqasi borligi aytilayotgan rossiyalik yurist bilan nega uchrashgani haqida so’raldi.

“Nyu-York Tayms” gazetasining yozishicha, kenja Tramp o’tgan yil iyun oyida Natalya Veselnitskaya bilan uchrashuv chog’ida otasining saylovlardagi raqibi Xillari Klintonning salomatligi haqida ma’lumot olmoqchi bo’lgan.

Uchrashuvdan natija chiqmagan, biz ruslar bilan til biriktirmaganmiz, dedi kenja Tramp.

Prezidentning o’g’lini so’roqqa tutgan senatorlardan biri Richard Blumentalga ko’ra, u Senat Adliya qo’mitasiga ham chaqirtirilib, qasamyod ostida ayni va qo’shimcha savollarga javob berishi kerak.

AQShda Rossiyaning Amerika saylovlariga ta’siri bo’yicha bir paytning o’zida bir necha tergov ketmoqda. Natijalari bir necha oyda ma’lum qilinishi kutilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG