Tramp Putinning amerikalik diplomatlarni haydash qarorini olqishladi

  • Amerika Ovozi

AQShning Moskvadagi elchixonasi

Prezident Donald Tramp Rossiya rahbari Vladimir Putinning amerikalik diplomatlarni Rossiyadan haydash qarorini izohlarkan, bu hol ancha pul tejashiga ishora qilib, Putinga bu qarori uchun minnatdorchilik bildirdi.

"Biz maoshlarni qisqartirib, pul tejashni ko’zlayotgan edik, ammo Putin bizga yordam qo’lini cho’zdi. Ancha pul tejaymiz”, - dedi Tramp.

Davlat departamenti xodimlari Trampning bu izohlarini tanqid qilmoqda.

“Bu o’z vataniga xizmat qilayotgan odamlarga nisbatan hurmatsizlik”, dedi ba’zilari.

O’tgan yil dekabr oyida AQSh rossiyalik 35 diplomatni mamlakatdan chiqarib yuborganidan va Rossiya elchixonasiga qarashli ikki imoratni olib qo’yganidan so’ng Kremlning bu qarorini Vashingtonda kutishgan edi.

Qo’shma Shtatlar Rossiyani o’tgan yilgi saylovlarga aralashganlikda ayblab, shu tariqa uni jazolashga majbur bo’lganini ta’kidlamoqda. Moskva bu da’volarni rad etmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG