Tramp musulmonlarni Ramazon bilan qutladi

  • Amerika Ovozi

AQSh Prezidenti Donald Tramp

AQSh Prezidenti Donald Tramp dunyo musulmonlarini muqaddas Ramazon oyi kirib kelgani bilan qutladi.

"Amerika xalqi nomidan barcha musulmonlarni Ramazon ayyomi bilan tabriklayman", - dedi u.

AQSh rahbari yaqinda Saudiya Arabistoniga uyushtirgan tashrifini tilga olib, 50 dan ortiq musulmon davlatlari rahbarlari bilan uchrashuv sharaf bo'lganini qayd etdi.

"Musulmon dunyosidagi ikki muqaddas dargoh joylashgan maskanda barcha davlatlar va butun dunyo uchun tinchlik, xavfsizlik va hamkorlik o'rnatish niyatimizni oshkor qildik", - deydi Tramp bayonotida.

Bayonotda, shuningdek, terrorizm va zo'ravonlik mafkurasiga qarshi kurashda AQSh musulmonlar bilan hamkorlik qilishi aytiladi.

"Kelinglar, Ramazon oyida kelajak avlodlarimiz zo'ravonliklardan xoli, tinchlikda ibodat qilishlari uchun terrorga qarshi barcha choralarni ishga solishga kelishib olaylik", - deydi Tramp.

"Ramazonni xayr-ehson, ro'za va ibodat bilan o'tkazar ekansiz, men hamma joydagi musulmonlarga eng yaxshi tilaklarimni tilayman", - deya qo'shimcha qilinadi bayonotda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG