Turkiyada karantin yumshatilishi bilan 7 hafta uyda o’tirgan bolalar, tabiiyki, muzqaymoq yeyishga chiqmoqda.
Hukumat 13-may kuni 14 yoshgacha bo’lgan bolalarga to’rt soatga ko’chaga chiqishga ruxsat berdi.
Ba’zilar bundan xursand.
“Karantinning katta bir zarari shu bo’ldiki, o’g’lim uyda kattalar bilan qolib do’stlari bilan ko’risholmay qoldi. Bolalar tengdoshlari bilan muloqot qilib turmasa bo’lmaydi”, - deydi O’zan Quloq ismli bir ota.
Hukumat 65 yoshdan ulug’ bo’lganlarga ham 4 soatga uydan chiqishga ruxsat berdi. Karantin may oxirida to’liq bekor qilinishi kutilmoqda.
Hukumat koronavirusdan o’lganlar soni 50 foizga qisqarganini cheklov choralarini yumshatishga asos bo’lganini aytadi.
Turkiyada do’konlar ochilmoqda, biroq sotuvchilar ham, xaridorlar ham sog’liqni saqlash qoidalariga rioya qilishi kerak bo’ladi. Xaridorlarning do’konga kirishdan oldin tana harorati o’lchanmoqda.
Tanqidchilar hukumat iqtisodiyotni xalq salomatligidan ustun qo’yayotganini aytadi. Istanbul ko’chalari gavjumlashayotganidan xavotirga tushgan hukumat odamlarga ijtimoiy masofani saqlash muhimligini eslatmoqda.
Facebook Forum