Rossiya Tashqi ishlar vaziri Sergey Lavrovning aytishicha, uning davlati Ukraina sharqida insonparvarlik yo’lagi yaratish iltimosi bilan BMT Xavfsizlik Kengashiga murojaat qilmoqchi.
Bu haqdagi rezolyutsiya mintaqada zo’ravonlikni tugatishga da’vat etadi, deydi Lavrov. Rossiya tashqi ishlar vaziri sharqiy oblastlarda ahvol og’irlashib borayotgani haqida ogohlantirmoqda.
“G’arbdagi hamkasblarning ishontirishicha, Ukrainada prezident saylovlari o’tgani zahoti vaziyat yaxshilanishi kerak edi. Lekin bugun buning aksini ko’rayapmiz”, - dedi Sergey Lavrov jurnalistlar bilan uchrashar ekan.
Ukrainada armiya Rossiya bilan chegaradosh viloyatlarda bo’lginchilar bilan olishayapti. Bugun Luganskda ayirmachilar chegarachilarga hujum qilgani aytiladi.
Shuningdek, bugun Rossiyaning “Gazprom” kompaniyasi Ukrainaga gaz ta’minotini o’chirib qo’yishi kutilgan edi.
Biroq “Gazprom” Yevropaning qator davlatlariga ham ta’sir qilishi kutilgan bu qarorni kechiktirgan.
Ukraina gaz uchun 786 million dollar to’lab, qarzini qisman qopladi va mahsulot yana bir hafta uzatilishini ta’minladi.
Bu haqdagi rezolyutsiya mintaqada zo’ravonlikni tugatishga da’vat etadi, deydi Lavrov. Rossiya tashqi ishlar vaziri sharqiy oblastlarda ahvol og’irlashib borayotgani haqida ogohlantirmoqda.
“G’arbdagi hamkasblarning ishontirishicha, Ukrainada prezident saylovlari o’tgani zahoti vaziyat yaxshilanishi kerak edi. Lekin bugun buning aksini ko’rayapmiz”, - dedi Sergey Lavrov jurnalistlar bilan uchrashar ekan.
Ukrainada armiya Rossiya bilan chegaradosh viloyatlarda bo’lginchilar bilan olishayapti. Bugun Luganskda ayirmachilar chegarachilarga hujum qilgani aytiladi.
Shuningdek, bugun Rossiyaning “Gazprom” kompaniyasi Ukrainaga gaz ta’minotini o’chirib qo’yishi kutilgan edi.
Biroq “Gazprom” Yevropaning qator davlatlariga ham ta’sir qilishi kutilgan bu qarorni kechiktirgan.
Ukraina gaz uchun 786 million dollar to’lab, qarzini qisman qopladi va mahsulot yana bir hafta uzatilishini ta’minladi.
