Breaking News

Eronda inson huquqlari bilan bog'liq vaziyat BMTda tanqid qilindi


BMTning maxsus hisobotchisi Asma Jahongir
BMTning maxsus hisobotchisi Asma Jahongir

BMTning Eronda inson huquqlari bo’yicha vaziyatga bag’ishlangan majlisida bu mamlakatdagi ahvol keskin tanqidga olindi.

BMTning maxsus hisobotchisi Asma Jahongirning aytishicha, yanvar oyidan beri Eronda 435 mahbus, jumladan ayollar va o’smirlar qatl etilgan.

“Rasmiylarning o’z vaqtida aralashgani tufayli ikki o’smir mahbusning qatli qoldirildi. Biroq kamida to’rt nafari qatl etildi, yana 86 o’smir esa hukm ijrosini kutmoqda”, - dedi BMT hisobotchisi.

Rasmiy Erondan o’limga mahkumlarning ro’yxatini so’rab, o’smir mahkumlarni afv etishga chaqirdi.

Asma Jahongir ijobiy o’zgarishlarni ham tilga oldi. Unga ko’ra, may oyida o’tgan prezident va mahalliy saylovlarda oldingiga qaraganda ancha ko’p odam qatnashgan, Prezident Hasan Ruhoniy ayollar huquqlarini yaxshilashga so’z bergan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG