Breaking News

AQSh Hindistonga 3 mlrd dollarlik harbiy texnika beradi


Donald Tramp Hindistonda

AQSh Prezidenti Donald Tramp Hindistonga tashrifi chog’ida bu mamlakatga uch milliard dollarlik harbiy vertolyotlar va boshqa harbiy texnika sotish bo’yicha kelishuv haqida ma’lum qildi.

Tramp va rafiqasi birinchi bo’lib Ahmadobod shahriga bordi. Bosh vazir Narendra Modi hamrohligida ular dunyodagi eng yirik kriket stadionida bo’lib, 100 mingdan ziyod odamni “namaste” so’zi bilan olqishladi.

Tramp Modi va ikki davlat o’rtasidagi munosabatlarni yuqori baholadi.

“Hindiston qurolli kuchlariga eng so’nggi harbiy vertolyotlar va boshqa harbiy uskunalarimizni sotmoqchimiz va ertaga vakillarimiz uch milliard dollarlik shartnomani imzolaydi”, - dedi Tramp.

Shundan so’ng Donald va Melaniya Tramp Agra shahriga borib, Toj-Mahalni ziyorat qildi.

Modining aytishicha, AQSh va Hindiston mudofaa, energetika va informatika bobida samarali hamkorlik qilmoqda. Unga ko’ra, AQSh-Hindiston munosabatlari ancha chuqur va yaqindir.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG