Breaking News

AQSh Senati tekshiruvi saylov tizimidagi nuqsonlarni aniqladi


AQSh senatorlari

AQShda Prezident Donald Tramp tanqidchilari uni Rossiyadagi saylovlarda g’alaba qozongan Vladimir Putinni telefon orqali tabriklagani uchun koyimoqda. Tramp Putin bilan uchrashib, muhim global masalalar haqida gaplashib olishim kerak, deydi.

“Suhbat yaxshi o’tdi. Yaqin orada yuzma-yuz ko’rishib, nazoratdan chiqib ketayotgan qurollanish poygasi haqida, Ukraina, Suriya, Shimoliy Koreya va boshqa masalalarda gaplashamiz”, - dedi Tramp.

Bu o’rtada AQSh Senatining razvedka qo’mitasi Rossiya bo’yicha tergov xulosalarini oshkor etdi. Unga ko’ra, bu mamlakat 2016-yilda Amerikadagi prezident saylovlari natijalariga ta’sir qilishga harakat qilgan.

“Rossiya 21 shtatda saylov tizimiga kirishga uringan. Kamida bir joyda saylovchilar ma’lumotlar bazasiga kirishgan”, - deydi Shimoliy Karolinadan saylangan senator Richard Bur.

Qo’mita a’zolari ovozlar soxtalashtirilgani haqida dalilga ega emasmiz, deydi. Taftish natijasida aksariyat shtatlarda ovoz berish tizimi eskirgani aniqlandi.

“40 shtatda 10 yildan oshiq vaqtdan beri ishlatilayotgan ovoz berish apparatlari borligini, ulardagi programmalarning eskirganini va hatto bu programmalarni yangilash imkoni yo’qligini aniqladik”, - deydi Virjiniya shtatidan demokrat senator Mark Uorner.

Respublikachi va demokrat qonunchilardan iborat taftish guruhi noyabr oyida bo’ladigan Kongress saylovlarida jarayonga chetdan aralashish holatlarining oldini olish uchun ovoz berish texnikasini yangilashga, xavfsizlik choralarini kuchaytirishga, shtatlarni elektron shaklda berilgan ovozlarni qog’ozga ham tushirishga chaqirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG