Prezident Barak Obama, sobiq davlat kotibasi Xillari Klinton, Nyu-York sobiq meri Maykl Blumberg yangi muzeyni ochib berdi. Nyu-York, 15-may, 2014-yil.
Nyu-Yorkda mash'um kunga bag'ishlangan muzey
Prezident Barak Obama Nyu-Yorkdagi yangi muzeyni ochib berar ekan, uni 11-sentabr fojeasiga bag'ishladi.
Prezident Barak Obama Nyu-Yorkdagi yangi muzeyni ochib berar ekan, uni 11-sentabr fojeasiga bag'ishladi. Qo'shma Shtatlarda 2001-yilda sodir etilgan terror hujumi salkam uch ming odamning yostig'ini quritgan edi.
Amerika rahbari o'sha mash'um kunda Jahon savdo markazidan minglab odamlarni qutqarib qolgan insonlarni yodga oldi.
Al-Qoida vakillari o'g'irlab qochgan yo'lovchi samolyotlari aynan shu egizak binolarga urilgan edi.
"AQSh xalqining qaddini hech kim buka olmaydi. Bizni amerikalik qilgan qadriyat, hislatlarimiz abadiy qoladi", - dedi Obama.
Marhumlar oilalari, qutqaruv ishlarida nobud bo'lgan xizmatchilarning yaqinlari bugun Nyu-Yorkda jamul-jam.
Jahon savdo markazi poyida qad ko'targan yangi Xotira muzeyini ziyorat qilayapti ular.
Imoratni barpo etish uchun yillar ketdi. Uning shakl-shamoyili, marhumlarni qayerda ko'mish ustida bahslar uzoq davom etdi.
Bino asosan yer ostida, egizak binolarning poydevori o'rnida joylashgan.
Prezident Barak Obama yangi muzeyni ochib berar ekan, 11-sentabr hujumida halok bo'lgan salkam uch ming insonni yodga oldi.
Amerika Ovozi
"Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.
