Breaking News

AQSh va O'zbekiston 6,5 mlrd. dollarlik shartnoma imzoladi


AQSh va O'zbekiston 6,5 mlrd. dollarlik shartnoma imzoladi

O’zbekiston Prezidenti Shavkat Mirziyoyevning Vashingtonga rasmiy tashrifidan oldin o’zbekistonlik tadbirkorlar va davlat kompaniyalari Amerika firmalari bilan 6,5 milliard dollarga teng shartnomalar imzoladi. O’tgan yili sentabr oyida Nyu-Yorkda bo’lib o’tgan O’zbek-Amerika biznes forumida ham tomonlar qator bitimlarga erishgan.

AQSh va O'zbekiston 6,5 mlrd. dollarlik shartnoma imzoladi
Iltimos, kuting...

No media source currently available

0:00 0:06:03 0:00

O’zbekistonga yaqinda borib kelgan biznes-konsultant Filip De Leonning aytishicha, mamlakatdagi ijobiy o’zgarishlar Amerika kompaniyalariga umid bag’ishlamoqda.

“Markaziy Osiyodan yaqinda qaytdim, O’zbekistonda ham bo’ldim. Prezident Mirziyoyev hokimiyatga kelganidan beri juda ko’p o’zgarishlarni payqadim, bozorni ochib tashladi. Ilgari imkoniyatlar cheklangan edi, hozir esa odamlar ilhomlangan, ko’p ishlarga qo’l urishyapti, chunki prezident yordam berishga tayyor ekanini bilishadi. Amerikadagi ko’plab kompaniyalar bilan hozir aloqadamiz, ularni O’zbekistondagi yangi imkoniyatlardan foydalanib qolishga da’vat etyapmiz. Siyosat o’zgargan sari O’zbekistonda ishlamoqchi bo’lgan shirkatlar soni oshmoqda. Valyuta konvertatsiyasi, daromadni mamlakatdan olib chiqish kabi masalalarda yengilliklar yaratilmoqda, biznes oldidagi to’siqlar olib tashlanmoqda. Prezident tadbirkorlikni rivojlantirishga bel bog’laganiga guvoh bo’lyapmiz va buni biznes hamjamiyati ham ko’rmoqda”, - deydi De Leon.

Asosan, neft va kimyo, energetika, farmatsevtika, sog’liqni saqlash, qishloq xo’jaligi, mashinasozlik va fuqarolik aviatsiyasi sohalarida 20 dan ortiq hujjatlar imzolandi.

“AmeriFund” kompaniyasi vitse-prezidenti Farhod Murodov O’zbekistonda Amerikaning “Best Western”, “Wyndham” kabi mehmonxonalari qurilishini moliyalash rejasi borligini aytdi.

Farhod Murodov, “AmeriFund” vitse-prezidenti

O’zbekiston bosh vazirining o’rinbosari Suxrob Xolmurodov tadbirkorlarga qo’yilgan ba’zi soliq turlarini bekor qilish rejasi haqida ma’lum qildi. Uning aytishicha, ayni damda shirkatlarni ro’yxatga olish ancha osonlashgan.

Sarmoyalar bo’yicha davlat qo’mitasi raisining birinchi o’rinbosari Laziz Qudratov xorijiy investitsiyalarni O’zbekistonga jalb qilish uchun qanday ishlar amalga oshirilayotganini bildirdi.

“O’zbekiston nimasi bilan sarmoyadorlarni o’ziga jalb qilmoqda? Avvalambor O’zbekiston hukumati xorijiy sarmoyadorlar huquqlarini himoya qilish kafolatini berdi. O’tgan yildan boshlab daromadni mamlakatdan olib chiqishga qo’yilgan barcha cheklovlar bekor qilindi, o’tgan yil sentabrida boshlangan islohotlarni davom ettirgan holda Soliq kodeksini takomillashtirish, bojxona va tariflarni tartibga solish ustida ishlayapmiz, tadbirkorlarni ortiqcha ma’muriy yukdan ozod qilish bobida qator choralar ko’rilmoqda. O’zbekistonning xususiy va davlat kompaniyalari Amerika shirkatlari bilan hamkorlik qilmoqda”, - deydi rasmiy.

Vashingtondagi tadbirda nafaqat biznes, savdo va sarmoya, balki huquq bobida ham kelishuv imzolandi.

Chorshanba va payshanba kunlari Prezident Mirziyoyevning AQSh rahbariyati, Pentagon va Davlat departamenti rasmiylari, qonunchilar hamda Jahon Banki vakillari bilan uchrashuvlari rejalangan.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

Facebook Forum

XS
SM
MD
LG