Breaking News

AQSh va O'zbekiston ta'lim bobida ikki hujjat imzoladi


O’zbekiston Prezidenti Shavkat Mirziyoyevning AQShga rasmiy tashrifi doirasida ikki mamlakat o’rtasida ta’lim sohasida ikkita anglashuv memorandumi imzolandi.

AQSh va O'zbekiston ta'lim bobida ikki hujjat imzoladi
Iltimos, kuting...

No media source currently available

0:00 0:03:11 0:00

O’zbekiston Tashqi ishlar vaziri Abdulaziz Komilov va AQSh Davlat departamentining Janubiy va Markaziy Osiyo masalalari bo’yicha idorasi vakili Alis Vels imzolagan birinchi hujjatga ko’ra, AQSh universitetlari va Markaziy Osiyodagi oliy o’quv yurtlari o’rtasida uch yillik hamkorlik dasturi joriy etiladi. Dastur O’zbekistondan turib boshqariladi.

Ikkinchi anglashuv memorandumida O’zbekistonda ingliz tilini o’rgatish dasturlari uchun qo’shimcha mablag’ ajratish ko’zda tutilgan. Bu dasturlardan universitet talabalari, jurnalistlar, professionallar foyda ko’radi, ingliz tili o’qituvchilarining malakasi oshiriladi, o’qituvchilar va talabalar uchun ingliz tilini o’rganishda onlayn imkoniyatlar beriladi.

O’zbekiston ilgari AQShning ta’lim va ilmiy almashinuv dasturlarida faol qatnashgan. Amerika hukumati ajratgan pul hisobiga faoliyat yuritgan IREX, ACCELS/ACIE hamda xususiy jamg’arma hisobiga ishlagan Ochiq jamiyat instutiti yoki Soros jamg’armasi kabi tashkilotlar yordamida o’zbekistonlik o’quvchilar, talabalar va professionallar AQSh maktablari va oliy o’quv yurtlarida o’qigan, malaka oshirgan. Biroq 2005-yilgi Andijon voqealaridan so’ng O’zbekiston hukumati bosimi ostida Amerika ta’lim dasturlari avval qisqara boshladi, so’ng esa batamom yopildi.

Mirziyoyevning AQShga tashrifidan so’ng dasturlarning qayta ochilish ehtimoli bor. O’zbekiston rahbari o’z chiqishlarida malakali kadrlar yetishmasligi haqida ko’p gapirgan, hatto o’tgan yili Amerikada yashovchi o’zbekistonlik professionallar bilan Nyu-Yorkda uchrashganida ularni O’zbekistonga qaytib, ishlashga da’vat etgan edi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

Facebook Forum

XS
SM
MD
LG