Breaking News

Ilshat Hassan: Xitoy uyg'urlarni ezishda davom etmoqda


Yaqin Sharq institutidagi tadbirdan
Yaqin Sharq institutidagi tadbirdan

Vashingtonda uyg'urlarning Xitoydagi ahvoli haqida yana bir bor gapirildi. Bu gal siyosatshunoslar va uyg'ur faollari Yaqin Sharq institutida mintaqadagi vaziyatga baho berdi.

AQSh Davlat kotibi Mayk Pompeo Xitoy g'arbida nafaqat uyg'urlar, balki musulmon bo'lgan boshqa elat vakillarining ommaviy ravishda qayta tarbiyalash lagerlarida saqlanayotganidan tashvish bildirdi.

"Bu haqda baland ovoz bilan gapirib kelyapmiz va Xitoy rasmiylari bilan o'zaro suhbatlarda ham tashvishlarimizni bildiryapmiz. Gap yuz minglab odam haqida ketmoqda. Bu inson huquqlarining tarixiy ko'lamda buzilishi. Xitoy hukumatini bu jirkanch amaliyotdan voz kechishga ko'ndirishga harakat qilyapmiz", - dedi Pompeo.

Yaqin Sharq institutida so'zlagan Uyg'ur-Amerika uyushmasi prezidenti Ilshat Hassanning aytishicha, uning 80 yashar onasi, uch singlisi va ko'plab boshqa qarindoshlari Xitoy xavfsizlik kuchlari tomonidan olib ketilgan, ulardan dom-darak yo'q, Xitoy mutasaddilari ma'lumot ulashishdan bosh tortmoqda.

Ayrim hisoblarga ko'ra 1,5 million, boshqa manbalarga ko'ra esa 2 milliongacha bo'lgan musulmon aholi irodasiga qarshi qayta tarbiyalash lagerlarida saqlanmoqda; ularga majburiy ravishda Xitoy qonunlari va tilidan saboq berilmoqda.

Ilshat Hassan "Amerika Ovozi" bilan Sharqiy Turkistondagi vaziyat xususida fikr bildirdi.

Ilshat Hassan: Xitoy uyg'urlarni ezishda davom etmoqda
Iltimos, kuting...

No media source currently available

0:00 0:13:51 0:00

  • 16x9 Image

    Odil Ro'zaliyev

    Odil AQShning Tafts Universitetida (Tufts University) magistrlik darajasini olgan. Ungacha O'zbekistonda Jahon tillar universitetida tahsil qolgan, Nyu-Yorkdagi Peys universitetida bir yil almashinuv dasturi bo'yicha o'qigan. 

    Odil graduated from the Uzbekistan State World Languages University. Then he was an exchange student at Pace University in New York for one year (1993-1994). He got his Master's degree from Tufts University in Massachusetts in 2004.

Facebook Forum

XS
SM
MD
LG