Vashingtonda Qirg'iziston janubidagi zo'ravonliklarga qarshi namoyish o'tdi


50 ka yaqin o'zbekistonlik va qirg'izistonlik AQSh ma'muriyatidan xunrezliklarni to'xtatishga yordam so'rab, turli shtatlardan kelgan.

13 iyun kuni Vashingtonda Oq uy qarshisida Qirg'iziston janubidagi xunrezliklarga qarshi namoyish uyushtirildi. AQSh ma'muriyati diqqatini fojiaga qaratish maqsadida tadbirda 50 ka yaqin o'zbekistonlik va qirg'izistonliklar ishtirok etdi. Piket qatnashchilari Vashingtonga turli shtatlardan kelishdi.

Namoyishchilar turli shiorlar bilan chiqishdi. "Qirg'izistonda qon to'kilishlarini to'xtating", "Etnik o'zbeklarni himoya qiling", "Janob Obama, Qirg'izistonda tinchlikni ta'minlashga yordam bering". Namoyishni kuzatib turgan vashingtonlik Larri Klarkning aytishicha, Qo'shma Shtatlar mana shunday paytlarda yordam qo'lini darhol cho'zishi lozim.

"AQSh nega zo'ravonliklarni to'xtatmayotgani meni taajjublantiradi. Boshqa joylarda faolmizku axir. Dunyo hamjamiyati haqiqatni bilishi kerak, ammo bilmaydi. Siz chiqishingiz bilan ularni boxabar qilasiz. Men bu ishingizni qo'llab-quvvatlayman. Zora prezident Obama quloq tutsa."

Qirg'iziston janubidagi o'zbeklar Rossiya, O'zbekiston yoki Birlashgan Millatlar Tashkiloti zo'ravonliklarni to'xtatish yo'lida yordam berishidan umidini uzar ekan, Vashingtondagi namoyish ishtirokchilari AQSh hukumati fojiaga diqqat qaratadi, deya umid bildirmoqda.

(Maqolaning to'liq ko'rinishini video shaklida quyida tomosha qilishingiz mumkin)



Bugun Janubiy Koreya poytaxti Seulda ham 200 dan ziyod o'zbekistonlik va qirg'izistonliklar namoyishga chiqqan.



Ertaga Nyu-York, London va boshqa shaharlarda ham shu kabi namoyishlar o'tishi rejalangan. Zo'ravonliklardan jabr ko'rganlarga yordam jamg'armasi tuzilmoqda. Xorijdagi o'zbeklar moddiy yordam berish niyatini bildirgan.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG