Breaking News

Arizonada o'zbek qovunlari yetishtirilmoqda


Arizonada yetishtirilgan o'zbek qovuni



Zahiriddin Muhammad Boburning Hindistonda erisha olmagan orzusini asrlar o'tib uning hamshaharlari Andijondan ancha uzoq Amerikada amalga oshirdilar. 2005-yil may oyidagi Andijon voqealaridan jon saqlab, AQShga kelgan fermer Rahmatullo Qobilov Arizona shtatida bu ishga qo'l urib uning uddasidan chiqdi.

"Andijondagi kasb hunarim ham dehqonchilik bo'lgan. 42 gektar maydonda paxta va bug'doy yetishtirar edik".

Rahmatullo Qobilovning aytishicha, Arizona shtati iqlimi O'zbekistonnikiga o'xshagani bois qovun ekishga qaror qilindi.

"O'tgan yili Amerikaga xos bo'lgan sabzavot va poliz ekinlarini ekib ko'rdik. Qovun ekishga oldindan ishtiyoqmand edim. Amerikaga kelgach, o'zbek qovuniga yetadiganini uchratmadim. Shundan so'ng O'zbekistondagi do'stlardan urug' yuborishni iltimos qildim".

O'zbek dehqonlari Arizonada qovunning bir emas, bir necha turini ekdilar. Bular obi-novvot, shakarpalakning uch xili, handalak, amiri va bosvoldi. Amerikalik xaridorlar hayratda, deydi Rahmatullo Qobilov.

"Ingliz tilidagi mavjud yaxshi gaplarni eshitdik. "Amazing" (ajoyib), "awesome" (zo'r), "wow" (qoyil) kabi so'zlarni aytishyapti".

Andijonlik dehqonlar urug'ni ikki gektar maydonga ekib, hozirga qadar ikki ming dona qovun olishga muyassar bo'ldi. Mavsum yana 10-15 kundan keyin nihoyasiga yetadi. Rahmatullo Qobilovning aytishicha, Amerikada dehqonchilikning o'ziga yarasha xususiyatlari bor va bu texnologiyadan o'zbekistonlik fermerlar katta foyda ko'rgan bo'lardi.

"Amerikada yerni o'zgacha tekishlashar ekan. Bu usul "lazer tekishlash" deb nomlanadi. Uning yordamida yerni istalgan qiyalikda tayyorlash mumkin. Bu kultivatsiya, ekinni ekish, hosilni yig'ishda muhim rol o'ynaydi. Suv ham egatlarga lazer tekislash tufayli bir xil boradi" - deydi Qobilov.

Dehqonning aytishicha, o'zbek qovunlari urug'lariga amerikalik fermerlar katta qiziqish bildirmoqda. Maqsadimiz - o'zbek nomini dunyoga mashhur qilish, deydi Rahmatullo Qobilov.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG