Breaking News

Nyu-Yorkda o'zbek futbol jamoalari "Mustaqillik kubogi" uchun bellashdi


Nyu-Yorkda o'zbek futbol turniri

Nyu-Yorkning Bruklin tumanida futbol bo’yicha shtatlararo o’zbek turniri o’tkazildi. Unda Nyu-York, Pensilvaniya, Nyu-Jersi, Merilend shtatlari va poytaxt Vashingtondan jamoalar qatnashdi.

Amerikada o’zbeklar orasida futbol turnirini tashkil etish g’oyasi futbol agenti va sport yuristi, o’tmishda jurnalist San’at Sharipovda olti oy oldin paydo bo’ldi. G’oyani amalga oshirishda esa Bruklindagi “Lazzat” o’zbek restorani egasi Abdumalik Ahmedov yordam berdi. Uning tashkilotchilik qobiliyatlari tufayli tez orada homiylar ham topildi.

Turnirda jami sakkizta jamoa qatnashdi, shulardan to’rttasi Nyu-Yorkdan, jumladan Buxoro yahudiylarining “Buxoro” komandasi. O’yinlar ikki guruhda o’tdi, birinchi va ikkinchi o’rinlarni egallagan jamoalar yarim finalga yo’llanma oldi.

Musobaqadan asosiy maqsad yangi do’stlar orttirish ekanini biz bilan suhbatda bo’lgan har bir ishtirokchi alohida ta’kidladi.

“Mustaqillik kubogi” turnirining eng yosh ishtirokchisi 14 yoshda, eng kattasi 50 dan oshgan, aksariyati havaskor o’yinchilar, biroq Olim Tillayev va Elshan Gambarov kabi O’zbekiston Oliy ligasida to’p surgan futbolchilar ham o’ynadi.

“Paxtakor” klubining yoshlar jamoasida o’ynab qaytgan Tohirjon Usmonov esa kelasi yili o’z kuchini Argentinaning “Boka Xuniors” jamoasida sinab ko’rmoqchi.

Turnir sentabr boshida o’tkazilishi kerak edi, ammo O’zbekiston Prezidenti Islom Karimovning vafoti munosabati bilan ikki haftaga qoldirildi.

Kubok Nyu-Yorkning “Paxtakor” komandasiga nasib etdi; Nyu-Yorkning yana ikki jamoasi – “Dinamo” va “Istiqlol” ikkinchi va uchinchi o’rinlarni egalladi.

Tashkilotchilar kelasi yili musobaqada boshqa shtatlardan ham jamoalar ishtirok etishiga umid qilmoqda. Amerikaning Jorjiya, Ogayo, Illinoys, Florida, Kolorado shtatlarida ko’plab o’zbeklar yashaydi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG