O'zbekiston tashqi ishlar vaziri Bosh Assambleyada gapirdi


O'zbekiston tashqi ishlar vaziri Bosh Assambleyada gapirdi

Nyu-Yorkda BMT Bosh Assambleyasining 66-sessiyasi davom etar ekan, davlat rahbarlari va rasmiylari birin-ketin dunyoda va o'z mamlakatlaridagi jarayonlar haqida fikr bildirmoqda. Kecha O'zbekiston Bosh vazirining o'rinbosari, Tashqi ishlar vaziri Elyor G'aniyev ma'ruza qildi.

Vazir nutqini O'zbekistonning mustaqillikdan keyingi 20 yil ichidagi yutuqlariga baho berishdan boshladi. So'ng Markaziy Osiyodagi jarayonlarga to'xtalar ekan, Afg'onistondagi urush, Orol dengizi muammosi, o'tgan yil yozida Qirg'iziston janubidagi etnik xunrezliklar va mintaqada suv tanqisligiga to'xtaldi.

Xususan, deydi Elyor G'aniyev, O'sh voqealariga sababchi kuchlar - buyurtmachilar, tashkilotchilar va ijrochilar bo'yicha tergov haligacha yakuniga yetkazilmadi. Adolat o'rnatilmas ekan, Qirg'iziston janubida o'zbeklar va qirg'izlar o'rtasida ishonch va hamkorlik tiklanmaydi. Bu esa butun mintaqa tinchligi uchun tahdiddir.

Afg'oniston masalasida O'zbekiston tashqi ishlar vaziri deydiki, bu yurt muammosining yechimi afg'on xalqining qo'lida. Mojaroni harbiy yo'l bilan hal etib bo'lmasligiga barcha tomonlar amin bo'ldi, deydi G'aniyev.

O'zaro urush qilayotgan ichki kuchlar murosa qilsagina tinchlik qaror topadi, deydi u.

Sessiyada Tojikiston Tashqi ishlar vaziri Hamroxon Zarifiy ham nutq so'zladi. Uning aytishicha, Tojikiston tog'lardagi muzliklarni saqlab qolishga qaratilgan jamg'armani tuzish taklifiga xalqaro hamjamiyatdan javob kutmoqda.

"O'zaro hamkorliksiz iqlim o'zgarishi oqibatlariga barham berib bo'lmaydi," - deydi Zarifiy. Vazir a'zo davlatlarni tashabbusni qo'llab-quvvatlashga chaqirdi.

Afg'oniston masalasiga to'xtalar ekan, Zarifiy bu davlatning mintaqa bilan savdo va iqtisodiy aloqalarini ijobiy hol sifatida ta'kidlab o'tdi, Afg'oniston-Tojikiston chegarasida beshta ko'prik qurilganini aytib, 220 kilovatt elektr liniyasi tushirilganini ma'lum qildi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG