Breaking News

Chikagodagi o'zbeklar: Navro'zi olam muborak!


Chikago - biznes, siyosiy va madaniy markaz. Uch millionga yaqin aholisi bor. Prezident Barak Obama uni ona shahar deb biladi.

Navro’z Amerikada ham katta bayram. Muhojirlar makoni bo’lmish bu yurtda bahor ayyomini qadimdan nishonlab kelgan elatlarning vakillari yashaydi. Jumladan, o’zbeklar va boshqa markaziy osiyoliklar. Navro’z sayllaridan biri Chikagoda, Buyuk ko’llar bo’yida joylashgan azim shaharda bo’lib o’tdi.

Chikagoda asoslangan O’zbek-Amerika Uyushmasi (Uzbek American Association of Chicago) 2009-yilda vujudga kelgan. Tashkilot taxminicha, bu shahar va uning atrofida 300 ga yaqin o’zbek yashaydi. Vatandoshlar Navro’z kabi ayyomlarda diydor ko’rishib, bir-birini yaqindan taniydi, deydi Olimjon Sharipov, uyushmada jonbozlik ko’rsatib kelayotgan muhojirlardan biri.

“Amerikaliklarga madaniyatimizni ko’rsatish, xususan yosh bolalar uchun juda foydali. Bir-biri bilan uchrashib, tilimizni eshitib, urf-odatlarimizni o’rganishida Navro’zning roli katta. O’zbekiston bilan qiziqayotgan amerikaliklar o’zlari telefon qilishib, borsak maylimi deb kelishadi”,- deydi suhbatdosh.

Olimjon Sharipov yurtdoshlarini Navro'z bilan tabriklamoqda
Olimjon Sharipov yurtdoshlarini Navro'z bilan tabriklamoqda
Bu yilgi saylga qariyb 150 odam to’plandi. O’zbekistonning Vashingtondagi elchixonasi va Nyu-Yorkdagi konsulligidan diplomatlar tashrif buyurdi.

“Milliy kiyimlarimiz, hunarmandchilik namunalarini namoyishga qo’ydik",- deydi Olimjon Sharipov.

"Navro’z taomlari tanlovini o’tkazdik. Undan keyin “Tilimizni bilamizmi?” mavzusida o’yin o’tkazdik”.

Olimjon Sharipovning asl kasbi quruvchi-muhandis. Amerikaga to’qqiz yil burun kelgan. Bugungi kunda soliq bo’yicha hisobchi. Bu yerda o’qidi, yangicha tizimga o’rgandi.

Navro'z bahona vatandoshlar diydor ko'rishadi
Navro'z bahona vatandoshlar diydor ko'rishadi
O’zga yurtga kelib, hayotni yangidan boshlash, tirikchilik qilib oila boqish, farzand katta qilish va shu bilan birga o’zbeklikni saqlab qolish oson emas, qattiq mehnat talab qiladi, deya tan oladi u.

“Biz o’zbeklar 300 millionlik Amerikada daryodan tomchidek ko’rinamiz... Lekin o’zligimizni, urf-odat, til va qadriyatlarimini saqlab qolish uchun harakat qilayapmiz", deydi suhbatdosh.

"Buning uchun imkoniyat bor. Shu maqsadda mana shu uyushmani tuzganmiz”.

Tashkilot Chikago tomonlarga borgan yangi muhojirlarga yordam ko’rsatadi.

“Biz ularni aeroportda kutib olamiz. Keyin bir joyda joylashtiramiz. Yo’l-yo’riq ko’rsatamiz. Ish topishi uchun yordam beramiz. Haydovchilik guvohnomasi olish juda muhim, bu borada ham ko’maklashamiz”,- deydi Olimjon Sharipov.

Chikagodagi O'zbek-Amerika Uyushmasi raisi Sirojiddin Nasafiy va jamoa farzandlari
Chikagodagi O'zbek-Amerika Uyushmasi raisi Sirojiddin Nasafiy va jamoa farzandlari
O’zbek-Amerika Uyushmasi - xayriya tashkiloti. Moliya a’zolar to’laydigan badaldan keladi. Butun faoliyat shu mablag’ hisobidan.

Amerika sehrli diyor, orzular ushaladigan o’lka deb bu mamlakatga kelish dardida yurganlar juda ko'p.

Muhojirlar orasida keng tarqalgan naql shuki, mehnat qilsang, yo'lingni topib ketasan. Hamma narsa o'zingga bog'liq. Qo'shma Shtatlar jannat deb o'ylasangiz adashasiz.

Navro'z tantanalarida milliy taomlar tanlovi ham o'tkaziladi
Navro'z tantanalarida milliy taomlar tanlovi ham o'tkaziladi
Olimjon Sharipov deydiki:

“Yoshlar uchun Amerika judayam yaxshi, menimcha. Tez ko’nikib ketishadi, o’rganishadi... Yevropa davlatlarida muhojirlar uchun sharoit uncha yaxshi emas deb eshitganman. Nazarimda, Amerikada osonroq. Demokratiya bu yerda kengroq. Biz irqchilikni ko’z his qilmaymiz. Eng muhimi sog’liq. Sog’liq bo’lsa, bu yerda hayot yaxshi, normal yashasa bo’ladi, imkonini topsa bo’ladi”.

Chikagodagi O’zbek-Amerika Uyushmasi faoliyati bilan mana bu link orqali bafurja tanishish mumkin: http://www.uzbekchicago.org/new/

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. O'zbekistonda akkreditatsiyadan o'tgan, ya'ni respublikadan turib axborot berish imkoniyatiga yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, editor, web editor, and producer, she has covered Central Asia and America for nearly 20 years on TV, radio and online. For the last year, she has also been reporting from inside Uzbekistan as the only and first-ever accredited U.S.-based journalist. Navbahor is also the founding President of the VOA Women’s Caucus. Educated in Uzbekistan, India, and at Harvard University, she was a 2016-17 Edward S. Mason Fellow at Harvard’s John F. Kennedy School of Government, where she also earned her Masters in Public Administration. Navbahor played a pivotal role in the launch of Uzbek television programming at VOA in 2003 and has since presented more than 800 editions of the flagship weekly show “Exploring America,” which covers American foreign policy for some 40 million Uzbek speakers worldwide, focusing on U.S. relations with Central Asia and life and politics in the United States. She has co-hosted VOA-wide special broadcasts for a global audience. She has received multiple awards for excellence in broadcasting, including the VOA Gold Medal in 2010. As a multimedia journalist, with millions of viewers, listeners, followers, and fans, Navbahor writes and speaks frequently on Uzbek domestic politics, foreign policy, and society, as well as regional issues in Central Asia, for policy, academic, and popular audiences. Her essays have appeared in leading journals, including Foreign Policy, The National Interest, and The Diplomat, and she has lectured at institutions including the U.S. Foreign Service Institute, Columbia University, Johns Hopkins University, Georgetown University, and George Washington University. Navbahor began her career at the Uzbek state broadcaster as a reporter and producer. She taught journalism at her alma mater, the Uzbek State University of World Languages in Tashkent, and then earned a B.A. in journalism and mass communication from Maharaja’s College at the University of Mysore in India. A recipient of the Edmund Muskie Fellowship, she earned her MA in journalism from Ball State University. In 2009, Ball State’s journalism department named her an Outstanding Young Alumna.

XS
SM
MD
LG