Breaking News

Muhojirlar: Mehnatsevar odam "Amerika orzusi"ga tez yetishadi


"Grin karta" Amerikada qonuniy yashash va ishlash huquqini beradi
AQShda qonuniy yashash va ishlash huquqini beruvchi “grin karta” lotereyasiga hujjat topshirish shu oy yakunlandi. Kelajagini Amerikada ko’rishni orzu qilgan odamlar javobini kutib, endi bir yil umid bilan yashaydi. O’tgan yili yutganlar esa Amerikaga kelib, yangi hayot boshlashga harakat qilmoqda. Ular orasida o’zbeklar ham bor.

Naimaxon Toshkentda. Ikki yil “grin karta”ga hujjat topshirib, nihoyat unga omad kulib boqdi. Turmush o’rtog’i bilan Amerikaga kelganiga bir oy ham bo’lgani yo’q. Joylashish va ko'nikish oson emas, ammo afsuslanganimiz yo'q, deydi u.

(Lavhaning to'liq audio shakli)

Grin karta o'ynagan o'zbeklar
Iltimos, kuting...

No media source currently available

0:00 0:05:52 0:00
Yuklab oling


Burhon ismli yigit oilasi bilan Virjiniya shtatida yashaydi. Olti yil oldin “grin karta” bilan kelgan. O’tgan yili AQSh fuqaroligini ham oldi. Uning aytishicha, Amerikada biror yutuqqa erishmoqchi bo’lgan odam mehnatdan qochmasligi kerak. Tilni bilish zarur. “Grin karta” yutganlar uchun Amerika hukumati hech qanday moddiy yordam ko’rsatmaydi, deydi u.

Burhonning aytishicha, boshida doim ham qiyin bo’ladi. Naimaxon hozir ana o’sha davrdan o’tmoqda.

"Uy topish kerak, mashina olish kerak, ish qidiryapmiz, tilni yaxshiroq o'rganyapmiz. Xarajatlari ko'p. Qiyinchiliklardan o'tib, hayotimiz o'z yo'liga tushib ketadi degan umiddaman".

O’zbekistonda har yili 4000 dan ortiq odam Amerikada qonuniy yashash va ishlash huquqini qo’lga kiritadi. Kimdir mol-mulkini sotib, oilasini olib, o’zi bilmagan yurtga ravona bo’ladi, ammo hammaning ham hayoti yurishib ketavermaydi. O’zbekistonga qaytib ketganlar ham bo’lgan. Vaqt, pul, harakat zoye ketmasligi uchun ayrim yo’riqlarga rioya qilish kerak.

Burhonning aytishicha, "grin karta" bilan kelgan odam o'zi bilan hech bo'lmaganda 2-3 oyga yetadigan pul olib kelishi kerak. Iloji bo'lsa, tanishlari, do'stlari bor shtatga borgani ma'qul. Oyoqqa turib olish uchun besh yilgacha vaqt ketishi mumkin, deydi u.

Burhon o’tgan yili fuqarolikni qo’lga kiritib, oy boshida Amerika prezident saylovlarida ilk bor ovoz berishga ham ulgurdi. Naimaxon esa “sehrli diyor”da o’z o’rnini topib ketish uchun dastlabki qadamlarini tashlamoqda.
  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG