Breaking News

O'zbekistonliklar Vashingtonda yangi prezidentga ovoz berdi


O'zbekiston elchixonasi qoshida tashkil etilgan saylov uchastkasi, Vashington shahri, 4-dekabr, 2016-yil

Yakshanba kuni O’zbekistonda muddatidan erta o’tgan prezident saylovlarining natijalari aniqlandi. Markaziy saylov komissiyasining ma’lum qilishicha, to’rt nomzoddan biri, Bosh vazir Shavkat Mirziyoyev 88,61 foiz ovoz bilan g’alaba qozonib, mustaqil O’zbekiston tarixida Islom Karimovdan keyin ikkinchi prezident bo’ldi. Liberal-demokratik partiyadan nomzodi ko’rsatilgan Mirziyoyevga saylovchilarning salkam 16 millioni ovoz bergani aytiladi. Ikkinchi o’rin Xalq demokratik partiyasidan nomzod Hotamjon Ketmonovga nasib etdi. Yana ikki nomzod u bilan deyarli bir xil ovoz to’plagan.

Saylov natijalari ma’lum qilingach, Mirziyoyev namoyishda so’zga chiqib, saylovchilariga minnatdorchilik bildirdi, poygada qatnashgan raqiblarini olqishladi.

O’zbekistondagi saylovlarni kuzatgan Yevropada xavfsizlik va hamkorlik tashkilotining Demokratik institutlar va inson huquqlari idorasi bayonotiga ko’ra, saylov komissiyasi oldingiga qaraganda ishini yaxshi bajargan, ammo umuman olganda O’zbekiston saylovlariga haqiqiy raqobat, siyosiy plyuralizm yetishmaydi.

“Idoramizning oldingi saylovlarda bergan tavsiyalari inobatga olinmagan, fundamental erkinliklarga jiddiy cheklovlar qo’yilgan”, deydi kuzatuvchilar missiyasi rahbari elchi Piter Teyler.

Unga ko’ra, rasmiylar muammolarni bartaraf etishga tayyor ekanini bildirmoqda.

Yakshanba kuni saylovlar nafaqat O’zbekistonda, balki O’zbekistonning xorijdagi elchixonalarida ham tashkil etildi. “Amerika Ovozi”, jumladan, Vashingtondagi elchixonada jarayon qanday o’tganini kuzatdi.

So’nggi yillarda o’tkazilgan saylovlarda bu qadar ko’p odam ovoz bermagan edi. O’zbekistonda so’nggi kunlarda Mirziyoyevning islohotlar sifatida qabul qilingan ayrim ishlari umidlar, shavq va zavq bilan qarshilandi. Biroq bunga ehtiyotkorlik va shubha bilan qarayotganlar Islom Karimov ham prezidentligining ilk yillarida shunday bo’lganini eslatishadi.

Quyida Vashingtondagi elchixonada o’tgan saylov manzarasini aks etgan video lavha bilan tanishing.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG