Venesuelada chorshanba kuni umummamlakat ish tashlashlar kutilmoqda

  • Amerika Ovozi

Venesuelada mamlakat bo’ylab ish tashlashlar kutilmoqda. Muxolifat tashabbusi bilan o’tkazilayotgan tadbir Prezident Nikolas Maduroni yakshanba kuni bo’ladigan ovoz berishni bekor qilishga undashga qaratilgan. Davlat rahbari konstitutsiyani yangilash maqsadida konstitutsion kengash tuzishni taklif etgan.

Ish tashlashlar chorshanba kuni boshlanib 48 soat davom etishi kutilmoqda. Juma kuni esa ommaviy norozilik namoyishi o’tkaziladi.

Hukumatga qarshi namoyishlar to’rt oydan beri davom etmoqda. Turli to’qnashuvlarda kamida 97 kishi o’lgan, minglab odam jarohat olgan.

Ish tashlashlardan oldin aholi oziq-ovqat va boshqa kerakli narsalarni jamlamoqda. AQShning Karakasdagi elchixonasi mamlakatdagi amerikaliklarga 72 soatga yetadigan miqdorda suv va yegulik olib qo’yishni, namoyishlar paytida uyda o’tirishni tavsiya qilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG