Breaking News

Tinchlik uchun Nobel mukofotiga Jahon oziq-ovqat dasturi sazovor bo'ldi


Birlashgan Millatlar Tashkilotining Jahon Oziq-ovqat dasturi Tinchlik uchun Nobel mukofotining bu yilgi sovrindori bo’ldi. Tashkilot dunyoda qashshoqlik va ocharchilikka qarshi kurashi uchun bunday e’tiborga sazovor bo’ldi.

Xalqaro hayot – 9-oktabr, 2020-yil
Iltimos, kuting...

No media source currently available

0:00 0:10:35 0:00

So’nggi kunlarda Nobel qo’mitasi ilm-fan bobidagi turli yo’nalishlarda sovrindorlarni e’lon qildi.

Bosh qarorgohi Rimda joylashgan Jahon Oziq-ovqat dasturiga ko’ra, tashkilot har yili 88 mamlakatda 97 million muhtojga yordam beradi. Biroq dunyodagi har 9 odamdan biri hanuz to’yib ovqat yemaydi.

“Jahon Oziq-ovqat dasturi ochlikka qarshi kurashayotgan va oziq-ovqat xavfsizligini ta’minlashga harakat qilayotgan dunyodagi eng yirik gumanitar tashkilotdir. Oxirgi yillarda vaziyat yomonlashdi. 2019-yilda 135 million odam ochlikdan qiynaldi. So’nggi yillardagi eng katta ko’rsatkich bu. Bunga, asosan, urushlar va qurolli mojarolar sabab bo’ldi”, - dedi Norvegiyada asoslangan Nobel qo’mitasi raisasi Berit Reys-Andersen.

Unga ko’ra, ayniqsa COVID-19 davrida tashkilot jahon ahli uchun yanada ahamiyatlidir. Sovrin 1,1 million dollardan iborat bo’lib, 10-dekabr kuni Oslodagi maxsus marosimda topshiriladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG