Breaking News

BMT donor-davlatlardan Yaman uchun qo'shimcha pul so'rayapti


Sano shahri, Yaman

Gumanitar yordam bilan shug’ullanuvchi tashkilotlar urushdan qaqshagan Yamanda ishlarini davom ettirishlari uchun donor davlatlardan moliyaviy yordamni oshirishga chaqirmoqda.

Koronavirus pandemiyasi sabab ko’plab tashkilotlar ishini to’xtatishga majbur bo’ldi, xususan Yamandagi BMT dasturlarining 75 foizi virus sabab to’xtagan yoki qisqargan.

Jahon oziq-ovqat dasturi ochlik bilan yuzlashayotgan aholiga tarqatilayotgan oziq-ovqat payoklarini 50 foizga kamaytirishga majbur bo’lib, 369 kasalxonaning 189 tasida BMT puliga ko’rsatilayotgan tibbiy xizmatlar kamaytirilgan.

“BMTning 41 ta yirik dasturidan 31 tasi yopilmoqda yoki qisqartirilmoqda”, - deydi BMTning Yamandagi vakili Liz Grand.

Asosiy donorlardan hisoblangan Qo’shma Shtatlar isyonchi xutiylarni ishlashga imkon bermayotganlikda ayblab, yil boshida Yamanga yordamini kesgan.

BMT 2-iyun kuni Saudiya Arabistonida bo’ladigan Yaman bo’yicha anjumanida iyun oyidan dekabr oyigacha asosiy faoliyatni moliyalash uchun 2,4 milliard dollar to’plashga umid qilmoqda.

Xabarlarga ko’ra, Yamanda koronavirus tarqalish sur’ati kuchaygan. Jahon sog’liqni saqlash tashkilotiga ko’ra, rasmiy raqamlar katta bo’lmasa-da, vaziyat aslida o’ta ayanchli.

Ba’zi tashkilotlar byudjetidagi pul oy oxirigacha bazo’r yetishini bildirmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG