Prezident Shavkat Mirziyoyev 27-mart kuni Toshkenda AQSh Kongressi a'zolari, jumladan Montana shtatidan respublikachi senator Stiven Deyns hamda Vakillar palatasi a'zolari - Alabama shtatidan respublikachi Mayk Rojers, Vashington shtatidan demokrat Adam Smit, Kaliforniya shtatidan demokrat Salud Karbaxal va Texas shtatidan demokrat Veronika Eskobar - bilan muloqot qildi.
Strategik sheriklikni mustahkamlash va hamkorlikni rivojlantirish haqida gap ketgan.
Toshkent nazarida ham Markaziy Osiyoning besh respublikasi va Amerika orasidagi C5+1 formatidagi dialog samara bermoqda, chunki tomonlar bugun yanayam yaqin. Vashington bu formatni xalqaro maydonda o'rnak sifatida ko'rsatib keladi.
Respublikachi senator Stiven Deyns Prezident Mirziyoyev bilan, Toshkent, 27-mat, 2024
Buni ham ko'ring Qozog'iston-AQSh; Rossiyadagi terror xuruji oqibatlariTashqi ishlar vaziri Baxtiyor Saidov va Oliy Majlis a'zolari bilan ham ko'rishgan mehmonlar parlamentlararo aloqalarni yaxshilash borasida ham fikr almashgan.
O‘zbekiston bozorida muvaffaqiyatli faoliyat yuritayotgan AQSh kompaniyasi sifatida Mirziyoyev ma'muriyati qiymati 10 milliard dollardan ziyod bo‘lgan investitsiya loyihalarini amalga oshirayotgan “Air Products” kompaniyasini ko'rsatadi.
Toshkentga ko'ra, ta’lim, qishloq xo‘jaligi, raqamli texnologiyalar, tog‘-kon sanoati, “yashil” energetika, farmatsevtika, oziq-ovqat tarmog‘i va boshqa sohalarda hamkorlik uchun potensial yuqori.
Muloqotda Afg‘onistondagi vaziyat ham tilga olingan. Mintaqaviy xavfsizlik hamisha dolzarb masala, deydi Amerika siyosatchilari, va Vashington O'zbekiston va qo'shnilari bilan bu borada ishlashda davom etadi.
Kongress a'zolari bu hafta Qozog'istonda ham bo'ldi va rahbariyat bilan uchrashuvlarda yuqoridagi kabi masalalarga e'tibor qaratdi.