AQSh prezidentlik saylovida iqtisodiyot mavzusi markaziy o’rin tutadi, chunki savdo va iqtisodiy siyosatni belgilash va shakllantirishda prezident asosiy rol o'ynaydi. Prezidentlikka da’vogar ikki nomzod bu sohada qanday siyosatni olg’a surmoqda?
Prezident Jo Bayden AQShning shimoli-sharqidagi shaharchada ishchilar mahallasida o’sib ulg’aygan. Bayden o'zining ijtimoiy kelib chiqishini sobiq prezident Donald Tramp hayoti bilan taqqosladi.
"U iqtisodiyotga Mar-a-Lagodagi koshonasidan qaraydi. U o’zining boy do'stlari bilan yig’ilib, 40 yildan beri mehnatkash oilalar og’irini yengil qila olmagan behuda siyosatini ishlab chiqqan. Skrantondagi mehnatkashlarni tanlaymizmi yoki Mar-a-Lagoni? Bular iqtisodiyotimizga oid farqli qarashlar va saylov kampaniyasining markazida turgan fundamental adolatga oid savollarni keltirib chiqaradi", - deydi Bayden.
Tramp Oq uyga kirib kelganda iqtisodiyot baquvvat, ishsizlik esa atigi uch yarim foiz edi.
“Hamma xursand edi. Hamma pul ishlayotgan edi", - deydi Tramp tarafdori Di Boisvert.
Buni ham ko'ring So'rovlarga ko'ra, aksar amerikaliklar iqtisodiy ahvoldan noroziKeyin kovid boshlandi. Trump prezidentligining oxirgi yilida ishsizlik 14,7 foizga ko'tarildi. Hozir esa ishsizlik darajasi 3,8 foiz atrofida.
"Jo Bayden davrida biz eng yaxshi iqtisodiyotga va eng past ishsizlikka ega bo’ldik", - deydi Bayden tarafdori Xovard Vebster.
Ammo ko‘pchilik inflyatsiyadan xavotirda. U 2022-yildagi eng yuqori cho‘qqidan 3,5 foizga tushgan bo‘lsa-da, hozir balandligicha qolmoqda. Bunda Baydenni ayblayotganlar oz emas.
Your browser doesn’t support HTML5
AQShda inflyatsiya va saylovchi kayfiyati
Tramp ham shular qatorida.
"Biz Amerika xalqiga nima bo'layotganini tushuntirishimiz kerak. Chegaraga, inflyatsiyaga va iqtisodiyotga qarang; bu dahshatli”, - deydi u.
“Reuters” o’tkazgan yangi so'rovga ko’ra, ko’plab amerikalik Tramp iqtisodiyotni hozirgi prezidentga qaraganda yaxshiroq boshqarishiga ishonadi.