Afg'oniston poytaxti yaqinida, G'azni viloyatida toliblar oxirgi bir haftada o'nlab odamlani o'ldirgan.
Rasmiylarning aytishicha, Kobuldan 200 kilometr narida joylashgan Ajriston tumanida jangarilar kamida 15 kishining boshini olgan. Bir necha qishloq hozir Tolibon qo'lida. Uylar vayron qilingan, mol-hol o'ldirib, hosil payhon qilingan.
Hujumda taxminan 700 tolib qatnashgani aytilmoqda.
Guvohlarning so'zlariga ko'ra, bu jangarilar o'zini "Islomiy davlat" jangchilari deya atayapti.
G'azni viloyati rasmiylariga ko'ra, politsiya va askarlar toliblar bilan olishmoqda. Biroq Kobuldan tezkor havo kuchlari yetib kelmasa, vaziyat yanada izdan chiqishi aniq, deydi mutasaddilar.
Ajristondagi qonli voqealar mamlakatda yangi prezident saylangan, xalqaro qo'shinlar Afg'onistonni tark etayotgan bir paytga to'g'ri kelmoqda.
Tahlilchilar nazarida Qo'shma Shtatlarning harbiy amaliyotlar va havo hujumlarida ishtirokini qisqartirgani qattiq sezilmoqda. Tolibon fursatdan foydalanib hujumga o'tgan.
Your browser doesn’t support HTML5
Tolibon bilan murosa? Pakistan -Taliban