AQSh Senatining Razvedka qo’mitasi prezident Barak Obama tomonidan Markaziy razvedka boshqarmasi direktori lavozimiga ko'rsatilgan Jon Brenanni terrorga qarshi siyosat xususida savolga tutdi.
Senatorlar, xususan, pilotsiz samolyotlar yordamida terrorchilikda gumon qilingan amerikalik fuqarolarni yo’q qilish amaliyoti haqida so'radi.
Brennan, prezidentning kontr-terrorizm bo'yicha maslahatchisi, Kongressdagi bugungi chiqishida Obama siyosatini himoya qildi. Terrorizmga qarshi effektiv kurash shunday choralar ko'rishni taqozo etadi, dedi u.
Uchuvchisiz qiruvchi samolyotlar Yamanda yashiringan amerikalik terrorchi Anvar al-Avlakiyni yo'q qilishda qo'l keldi, deydi Brennan.
Prezident Obama Adliya vazirligiga amaliyotlarga huquqiy asos beruvchi maxfiy hujjatlarni Kongressga taqdim etishni buyurgan. 11 nafar senator hujjatlarni ko’rsatishni talab qilgan.
Brennanning aytishicha, xorijda jangarilarga havodan zarba berish qonuniy va o’ta samarali amaliyotdir. Biroq ayrim qonunchilar, huquqshunoslar va xalqaro tashkilotlar chorani qoralab, bunday siyosat Amerika fuqarosini sudlanish imkonidan mahrum qilishini aytadi.
Senatorlar, xususan, pilotsiz samolyotlar yordamida terrorchilikda gumon qilingan amerikalik fuqarolarni yo’q qilish amaliyoti haqida so'radi.
Brennan, prezidentning kontr-terrorizm bo'yicha maslahatchisi, Kongressdagi bugungi chiqishida Obama siyosatini himoya qildi. Terrorizmga qarshi effektiv kurash shunday choralar ko'rishni taqozo etadi, dedi u.
Uchuvchisiz qiruvchi samolyotlar Yamanda yashiringan amerikalik terrorchi Anvar al-Avlakiyni yo'q qilishda qo'l keldi, deydi Brennan.
Prezident Obama Adliya vazirligiga amaliyotlarga huquqiy asos beruvchi maxfiy hujjatlarni Kongressga taqdim etishni buyurgan. 11 nafar senator hujjatlarni ko’rsatishni talab qilgan.
Brennanning aytishicha, xorijda jangarilarga havodan zarba berish qonuniy va o’ta samarali amaliyotdir. Biroq ayrim qonunchilar, huquqshunoslar va xalqaro tashkilotlar chorani qoralab, bunday siyosat Amerika fuqarosini sudlanish imkonidan mahrum qilishini aytadi.