Kobulda shu hafta Afg’oniston-AQSh xavfsizlik bitimi loyihasini muhokama qilgan Loya Jirg’a hujjatni darhol imzolashni tavsiya qilayotganiga qaramay, prezident Hamid Karzay nazarida Afg’onistonga yana bir oz vaqt kerak.
Mahalliy rahbarlar, qonunchilar va siyosatchilardan iborat kengash uch kunlik muloqotdan so’ng bitimni qo’llab-quvvatlashga qaror qildi. Hujjat AQSh va Afg’oniston o’rtasida 2014-yildan keyingi hamkorlikni belgilaydi. Xorijiy qo’shinlar mamlakatni yana bir yildan so’ng tark etadi.
Karzay nazarida bitimni imzolashga shoshmaslik kerak.
"Avval aprelga belgilangan prezident saylovlari o’tsin", - deydi u.
AQSh rasmiylari masalaning aprelgacha cho’zilishini istamaydi.
"Rasmiy kelishuvsiz uzoq muddatli reja ustida ishlay olmaymiz", - deydi ular.
Ikki yarim ming kishilik Loya Jirg’aga raislik qilgan Sibg’atulla Mujodadiyning aytishicha, hujjat darhol imzolanishi lozim.
"Karzayning masalani cho’zishga haqqi yo’q, bu Afg’oniston manfaatiga ziddir", - deydi u.
Hujjat AQShning 2014-yildan so’ng Afg’onistonda yana 10 yilga qoladigan qo’shinlarining huquqiy maqomini belgilaydi.
Mahalliy rahbarlar, qonunchilar va siyosatchilardan iborat kengash uch kunlik muloqotdan so’ng bitimni qo’llab-quvvatlashga qaror qildi. Hujjat AQSh va Afg’oniston o’rtasida 2014-yildan keyingi hamkorlikni belgilaydi. Xorijiy qo’shinlar mamlakatni yana bir yildan so’ng tark etadi.
Karzay nazarida bitimni imzolashga shoshmaslik kerak.
"Avval aprelga belgilangan prezident saylovlari o’tsin", - deydi u.
AQSh rasmiylari masalaning aprelgacha cho’zilishini istamaydi.
"Rasmiy kelishuvsiz uzoq muddatli reja ustida ishlay olmaymiz", - deydi ular.
Ikki yarim ming kishilik Loya Jirg’aga raislik qilgan Sibg’atulla Mujodadiyning aytishicha, hujjat darhol imzolanishi lozim.
"Karzayning masalani cho’zishga haqqi yo’q, bu Afg’oniston manfaatiga ziddir", - deydi u.
Hujjat AQShning 2014-yildan so’ng Afg’onistonda yana 10 yilga qoladigan qo’shinlarining huquqiy maqomini belgilaydi.